आज नारी दिवसको अवसरमा माइतिघर मण्डलामा “दीप-प्रज्वलन” कार्यक्रम सम्पन्न

काठमाडौं – आज नारी दिवसको अवसरमा हिमाल हस्पिटलको चिकित्सकिय चरम लापरवाहीका कारण २८ महिनाको कलिलो उमेरमा ज्यान गुमाएकी स्व.प्रशंसा गौतमको आत्मशान्तीको लागि माइतिघर मण्डलामा “दीप-प्रज्वलन” कार्यक्रम सम्पन्न भएको छ ।

छोरी गुमाइसक्यौँ, अब क्षतिपूर्ति होइन न्याय माग्दैछौँ स्व.प्रशंसा बुवा गंगा गौतमले काठमाडौंको नक्सालस्थित हिमाल अस्पतालले हाम्रो छोरी प्रशंसा गौतमको उपचारका क्रममा लापरबाही गरिएको भन्दै आन्दोलनको क्रममा नै आज नारी दिवशको दिन “दीप-प्रज्वलन” गरेर आन्दोलनको अभियान अगाडी बढाएको बताए । गौतमका अनुसार अस्पताल र डाक्टरको बिरुद्धमा १८ दिन देखि दैनिक बिहान ११ बजेदेखि ३ बजे सम्म अस्पतालअगाडि आन्दोलन गरिरहेको छ । अस्पताल प्रशासनले घटनाको जिम्मा लिनुपर्ने आन्दोलनरत पक्षको माग छ ।

घटनाको छानबिन गर्नुपर्ने मागसहित परिवारले नेपाल मेडिकल काउन्सिलमा उजुरी समेत दिइसकेको छ । तर, उजुरी दर्ता गरेको १४ दिनसम्म काउन्सिलले कुनै प्रतिवेदन सार्वजनिक गरेको छैन ।

माइतिघर मण्डलामा “दीप-प्रज्वलन”तथा आन्दोलन एकबद्धता कार्यक्रममा गायक रामकृष्ण ढकाल, संगीतकार चेतन सापकोटा कलाकार प्रसना शाक्य , मोरङ काठमाडौं सम्पर्क समितिका निर्मल खतिवडा, पथरी काठमाडौं सम्पर्क समितिका लक्ष्मीप्रसाद कोइराला महिला अधिकारकर्मी जस्मि ओझा लगाएतले स्व.प्रशंसलाई श्रद्धाञ्जली दिदै न्यायका लागि गौतम परिवारलाई साथ सहयोग गर्ने प्रतिबद्ता जनाएका थिए ।

स्व.प्रशंसा बुवा गंगा गौतमले छोरीको न्यायको लागि जो जहाँ बाट सहयोग गर्न सक्नु हुन्छ सहयोग गर्न आवहान गर्दै अन्तिम अबस्था सम्म पनि मेडिकल माफियाको विरुदमा लडीरहने र केहि दिनमा नै कानुनी लडाई लडने बताएका छन् ।