कमल, १२ माघ । झापाको कमलमा रहेको कमलनगर जेसिजले सरस्वती पूजाको अवसरमा बिहिबार विद्यार्थीहरुलाई भाग्य बोक्ने झोला तथा शैक्षिक सामाग्री वितरण गरेको छ ।
कमल गाउँपालिका वडा नं. १, स्थित सोलमारीमा रहेको श्री कालिका आधारभूत विद्यालयका बिद्यार्थीहरुलाई भाग्य बोक्ने झोला र शैक्षिक सामाग्री वितरण कार्यक्रम सम्पन्न गरेको छ ।
कमलनगर जेसीजले उक्त विद्यालयका कक्षा १ देखि कक्षा ४ सम्मका जम्मा २४ जना विद्यार्थीहरुलाई भाग्य बोक्ने झोला र शैक्षिक सामाग्री वितरण गरिएको कमलनगर जेसिज वर्ष २०२३ का महासचिव हरि अधिकारी बताए ।
कमलनगर जेसीज वर्ष २०२३ का तालिम निर्देशक जेसी लोक बहादुर खड्काको संयोजकत्व, कमल नगर जेसीज वर्ष २०२३ का अध्यक्ष जेसी रिजु कार्कीको अध्यक्षतामा र कमल नगर जेसीजका मानार्थ सदस्य तथा नेपालका लागि मोरिससका अवैतनिक महावाणिज्य दुत गणेश कार्कीको प्रमुख आतिथ्यतामा कार्यक्रम भएको हो ।
कार्यक्रमको विशिष्ट अतिथिहरुमा कमल गाउँपालिकाका शिक्षा शाखा प्रमुख सुर्य प्रसाद न्यौपाने, कमल नगर जेसीजका पूर्व अध्यक्ष तथा हाल कमल गाउँपालिका वडा नं. १ का वडा अध्यक्ष केदार कटुवाल रहनुभएको थियो । अतिथिहरुमा कमलनगर जेसीजका निवर्तमान अध्यक्ष जेसी नारायण बस्नेत, कमलनगर जेसीज वर्ष २०२१ का अध्यक्ष तथा वर्ष २०२३ को अध्यक्षको प्रमुख सल्लाहकार जेसी छत्रपति खनाल गोपाल, कालिका आधारभूत विद्यालयका प्रधानाध्यापक छत्र कार्की , विद्यालय व्यवस्थापन समितिका अध्यक्ष रामकृष्ण भटराई, कमल उद्योग वाणिज्य संघका महासचिव युवराज पाठक, श्रुति क्रिति सहकारी संस्थाकी अध्यक्ष सरस्वती सेढाई, सामाजिक व्यक्तित्व खगेन भण्डारी, बुद्धिराज न्यौपाने रहनुभएको थियो ।
उक्त कार्यक्रमको सञ्चालन कमलनगर जेसिज वर्ष २०२३ का महासचिव अधिकारी गरेका थिए ।
Discussion about this post