शरणार्थी एक ब्यक्तिको खुकुरी प्रहारबाट मृत्यु

५, असोज, २०७९-दमक । झापा दमकको बेलडागी शरणार्थी शिविरका एक ब्यक्तिको युवाहरुको एकसमुहको खुकुरी प्रहारबाट आज मृत्यु भएको छ ।

शरणार्थी शिविरमा बसोबास गर्दै आएका अन्दाजि ४५ बर्षका एल बि नामले चिनिने लाल बहादुर गुरुङ्गको ईलाम र झापाको सिमानामा रहेको रतुवा खोलाको झोलुङ्गे पुलमा ३:४५ बजे धारिलो खुकुरी प्रहार बाट गुरुङ्गको मृत्यु भएको ईलाका प्रहरी कार्यालय दमकले बताएको छ ।

गुरुङलाई ईलाका प्रहरी कार्यालय दमकबाट खटिएका प्रहरिले लाईफलाईन हस्पिटलमा उपचारका लागि लगिएको र त्यहा उपचार सम्भव नभए पछी थप उपचारका लागि बिर्तामोडको बिएनसी हस्पिटल लगिएको र उपचारकै क्रममा गुरुङ्गको निधन भएको बताईएको छ ।

गुरुङ्गलाई चुलाचुली र दमकको झोलुङ्गे पुलबाट उठाईएर हस्पिट्ल लगिएको बताईएको छ । गुरुङ्गको खुट्टा र हातमा गहिरो चोट लागेको र अत्याधिक रक्तश्रापका कारण मृत्यु भएको बताईएको छ । गुरुङ्ग पटक पटक जेल सजाय काटेर भखर शिविरमा बस्दै आएको बुझिएको छ । स्थानिय प्रत्यक्षदर्शीहरुका अनुसार गुरुङ्ग चुलाचुलिका युवाहरुसङ्ग झगडा गर्न त्यसतर्फ गएको स्थानियहरुको भनाई रहेको छ । गुरुङ्गको एक श्रीमती र एक छोरा रहेको मृतकको छिमेकिहरुको भनाई छ ।