क्यानसर पीडित सविनाको उपचारमा श्रीमान कृष्णद्धारा सहयोगको याचना

दमक – झापाको दमक–५ मा बसोबास गर्नुहुने कृष्ण तामाङले आफ्ना ३६ बर्षिया श्रीमती सविना राईको उपचारमा सहयोग जुटाइदिन हुन आग्रह गरेका छन् । गत मंसिरदेखी सविनालाई हड्डीमा क्यानसरबाट ग्रसित भएर ओच्छ्यानमा थला परेकी छन् ।

कमजोर आर्थिक अवस्थाका कृष्णका श्रीमती सविनासहित दमकमा भाडाको घरमा बस्दैं आइरहेका छन् । उनीहरुका १७ बर्षिया एक छोरी र ८ वर्षका एक छोरा थिए । बुढेसकालमा उनीहरुका साहारा दिने उनै छोराको गत वर्ष देहान्त भयो । छोराको देहान्त भएको केही समयपछि गत मंसिरमा कृष्णका बुबाको पनि निधन भयो ।

मोरङको मिक्लाजुङ गाउँपालिका (साविकको टाडी) घर भएका कृष्ण र सविना दमकमा दैनिक ज्यालामजदुरी गरेर जीवन यापन गरिरहेका छन् । घर बनाउने सीप भएका कृष्णको हाल बेहाल भएको छ । आफ्ना छोरा अनि बुबाको देहान्तपछि उनलाई निराशा मात्रै बनाएनन् । उनका जीवनको सबैभन्दा नजिकैको आफ्नो मान्छेनै यतिवेला ओच्छ्यानमा थला परेकी छन् ।

हड्डीमा क्यानसरले ग्रसित सविनालाई उपचारमा लाग्ने खर्च जुटाउन कृष्णलाई ‘फलामको चिउरा चपाउनु’ जस्तै बनेको छ । लामो समय घर निर्माणमा मजदुरको रुपमा कार्यरत सविनाको स्वास्थ्य अवस्था शिथिल बनेको छ । दमकको केही फार्मेसी र केही अस्पतालहरुमा स्वास्थ्य परिक्षण गराएको सविनाका श्रीमान कृष्णले बताए । बिराटनगरका चिकित्सकको सल्लाह अनुसार एक पटक भरतपुरस्थित क्यानसर अस्पतालमा पुगेर देखायौं । सो अस्पतालमा चिकित्सकले हड्डीमा क्यानसर भएको प्रमाणित गरिदिएको पती कृष्ण बताउँछन् ।

थकाई हुने, मासपेशी सनिने, हड्डी कटकट दुःने आदी लक्षण भएपछि सविनालाई कृष्णले दमककै फार्मेसी र अस्पतालहरुमा पुर्याएका थिए । ज्यालादारी मजदुर गरेर परिवारको गर्जो टारिरहेका कृष्णका लागि धेरै महगों अस्पतालमा जानु निकै सकस थियो ।

एकै वर्षभित्र छोराको निधन र बुबाको निधनपछि घरमा ओच्छ्यानमा थला परेकी श्रीमतीको उपचारमा आर्थिक अभावले कृष्णलाई पर्नु पीर छ । आफै मृगौला सम्बन्धीको समस्याले पीडित कृष्णले ओच्छ्यानमा थला परेकी श्रीमतीको उपचारमा सहयोग जुटाउनुपर्ने बाध्यता छ । घरमा १७ वर्षिया छोरीलाई आमा (सबिना) को हेरचारमा छोडेर सहयोगको निम्ति आफन्त र सरकारी कार्यालयमा भौतारिन्दै छन् । छोरी दमक बहुमुखी क्याम्पसमा कक्षा ११ मा अध्ययनरत छन् ।

यता, दमकका सामाजिक अभियान्ता एबम् सुप्रसिद्ध लेखिका सुमित्रा बाङदेल चेलीले सविनाको उपचारमा आर्थिक अभाव भएको र उपचारमा सहयोग जुटाउनका लागि देश र बिदेशमा रहनुहुने सम्पूर्ण दाजुभाई तथा दिदीबहिनीहरुमा अपिल गर्नुभएको छ । चेलीले सविनाका स्वास्थ्य अवस्थाका बारेमा जानकारी लिइरहेको र सविनाको पारिवारिक अवस्थाका बारेमा जानकार भएको बताउनुभयो ।

थप जानकारी र सम्पर्कका निम्तिः ९८१६३६५४७५
सहयोगका लागिः नबिल बैंक दमक शाखा ०२२१००१७५१७०३०