दमकको हाम्राे खानपिन अड्डाकाे शौचालय सार्वजनिक शौचालयको रुपमा प्रयोग गर्न सकिने

दमक । झापाको दमकका १० युवाहरुद्वारा संचालित हाम्राे खानपिन अड्डाद्वारा काठमाडौं महानगरपालिकाका मेयर बालेन्द्र शाह (बालेन) को समर्थन गर्दै होटलको शौचालयलाई सार्वजनिक शौचालयको रुपमा प्रयोग गर्न सकिने घोषणा आजबाट गरेको छ ।

अड्डाका संचालकहरू मध्ये विकाश घिमिरेका अनुसार हामीले काठमाडौं महानगरपालिकाका मेयर बालेन्द्र शाह (बालेन) को समर्थन गर्दै हाम्रो होटलको शौचालयलाई सार्वजनिक शौचालय बनाएका हौं । यो सार्वजनिक शौचालय अभियान काठमाडौं महानगरपालिकामा मात्र सीमित नभई देशभर नै सञ्चालन होस् र नेपाललाई नै सफा र स्वच्छ बनाऊ टेवा पुगोस् भन्ने हाम्रो चाहना हो । “बलेन् हाम्रो लागि, हामी बालेन् का लागि” भन्ने नारा साथ हामी १० युवा द्वारा संचालित हाम्राे खानपिन अड्डाको शौचालयलाई सार्वजनिक शौचालयको रुपमा प्रयोग गर्न सकिने घोषणा गरेका हौं ।

अड्डामा विशेष गरी चिकेन, बटाई, भेजका फरक फरक परिकारहरु पाइने साथै जन्मदिन, बिभिन्न संस्थाका पार्टी, मिटिङ्ग गर्नका लागि सुविधा सम्पन्न ठाउ सहित रहेको छ । दमकका विभिन्न क्षेत्रमा व्यवसायमा काम गरिरहेका युवाहरुले आफ्नै क्षेत्रमा ताजा सफा मीठो खानाका परिकारको सेवा दिनको लागि दमकको बालुवाटारमा हाम्रो खानपिन अड्डा संचालित छ।