दोस्रो ताम्रकार फुटसल उपाधि सिटी हयाण्डीक्राफ्ट लाई

दोस्रो ताम्रकार फुटसल उपाधि सिटी हयाण्डीक्राफ्ट लाई ताम्रकार समाजको आयोजनामा भइरहेको दोस्रो फुटसल प्रतियोगिता २०७४ को उपाधि सिटी हयाण्डीक्राफ्टले हात पारेको छ ।
गत भाद्र १७ गते तथा २४ गते भएको उक्त प्रतियोगिताको फाइनल खेलमा सिटीले हेरिटेज नेपाललाई शुन्यका विरुद्ध एक गोलले पराजित गरी उपाधि हात पारेका हुन् । सोहि दिन भएको सेमीफाइनलमा सिटीले ताम्र मेटललाइ ६–१ तथा हेरिटेजले वंगलामुखी फर्निचरलाई ४–३ ले पराजित गरी फाइनलमा प्रवेश गरेका थिए । उक्त प्रतियोगितामा आठ टिमको सहभागिता रहेको थियो ।
सोही दिन अण्डर १४ का खेलाडीहरुको फुटसल तथा महिलाहरुको फुटसल पनि खेलाईएको थियो ।  विजयी खेलाडीहरु तथा प्रायोजकहरुलाई महानगरीय प्रहरी परिशर, ललितपुरका प्रमुख एवं प्रहरी वरिष्ठ उपरिक्षक गणेश वहादुर ऐर, समाजका अध्यक्ष रविन्द्र राज ताम्रकार, राष्ट्रिय गोलकिपर प्रशिक्षक उज्वल मानन्धर तथा समाजका युवा तथा खेलकुद संयोजक सजेश ताम्रकारले ट्रफी, मेडल, नगद पुरस्कार तथा प्रमाण पत्र, कदर पत्र प्रदान गर्नु भएको थियो ।
उक्त प्रतियोगिताका उत्कृष्ट खेलाडी आशिष ताम्रकार, उत्कृष्ट गोलकिपर सनिध्य चित्रकार, शिर्ष गोलकर्ता लिउसन राजकर्णिकार तथा प्रेसिडेन्ट च्वाइस खेलाडी श्रेयस ताम्रकार वनेका थिए । विजयी तथा उप विजयी टिमले आफूहरुले प्राप्त गरेको नगद पुरस्कार समाजको युवा तथा खेलकुद उप समितिवाट विभिन्न कार्यक्रमहरु गर्नका लागी समाजका अध्यक्ष ताम्रकारलाई हस्तान्तरण गरेका थिए ।