११असोज २०८३
काठमाडौं ।
काठमाडौं उपत्यका अपराध अनुसन्धान कार्यालयका प्रमुख एसएसपी सन्तोष खड्काले पूर्वप्रधानन्यायाधीश चोलेन्द्रशमशेर राणालाई पक्राउ नै नगरिएको दाबी गरेका छन ।
एसएसपीको भनाई अनुसार हामीलाई राति नै उहाँको जीवनमाथि नै गम्भीर खतरा आएको सूचनापछि सुरक्षा दिने क्रममा हामीले साथमै लिएर आएका हौँ उनले भने ।
खड्काले राणा अहिले पनि सुरक्षाका लागि आफूहरूसँगै रहेको बताएका छन् । उनी सुरक्षित हुने सुनिश्चिततापछि घर पठाउने वा अन्यत्र सुरक्षित राखिने उनले जानकारी दिए ।
उहाँजत्तिको प्रोटोकल भएको व्यक्तिलाई हामीले यत्तिकै पक्राउ गर्ने भन्ने हुँदैन । अहिले पनि सुरक्षाका लागि हामीसँगै हुनुहुन्छ । उहाँ सुरक्षित हुने सुनिश्चिततापछि घरमा पठाउने वा अन्यत्र सुरक्षित राख्ने भन्ने कुरा हुन्छ । अहिलेसम्म अर्को कुरा खबर आएको छैन’, खड्काको भनाइ छ ।
Discussion about this post