महेन्द्र रत्न मा. वि. समयगढमा दसैँ विशेष गायन तथा नृत्य प्रतियाेगिता सम्पन्न

कमल । २०७९ सालको बडादसैँको सङ्घारमा आज शुक्रबार झापाको कमल २, समयगढस्थित यस श्री महेन्द्र रत्न माध्यमिक विद्यालयको सभाहलमा अतिरिक्त क्रियाकलापअन्तर्गत दसैँ विशेष गायन तथा नृत्य प्रतियोगिता सम्पन्न भएको छ ।

महेन्द्र रत्न बाल क्लबकी अध्यक्ष अतिक्षा मुखियाको अध्यक्षता, विद्यालयका प्रधानाध्यापक बालकृष्ण संग्रौलाको प्रमुख आतिथ्य र सहायक प्रधानाध्यापक हिमालय कोइरालाको विशेष आतिथ्यमा सञ्चालित उक्त कार्यक्रमको निर्णायक समितिमा बाल क्लबको तर्फबाट मनिता श्रेष्ठ तथा शिक्षकहरूको तर्फबाट पदमकुमार श्रेष्ठ र सुवास ढकाल रहनुभएको थियो ।

कार्यक्रममा नृत्य प्रतियोगिता तर्फ प्रथममा सुप्रिया धिमाल, तृषा धिमाल, सोनिया श्रेष्ठ र रञ्जना लिम्बूको नृत्य समूह, द्वितीयमा अतिक्षा मुखिया र नलिना मुखियाको नृत्य समूह र तृतीयमा आशिका वि.क. भएका थिए भने गायन प्रतियोगिता तर्फ प्रथममा निश्चल परियार, द्वितीयमा आशिका वि.क. र तृतीयामा युनिशा थापा भएका थिए ।

उक्त कार्यक्रममा छात्रा आशिका वि.क.ले म.र.मा.वि.को बालमैत्री गीत गाएकी थिइन् भने कार्यक्रमको सञ्चालन छात्राद्वय नेन्सी श्रेष्ठ र सोनिया श्रेष्ठबाट भएको थियो ।