धरमपुरका पुराना नेता दिपेश राईद्वारा एमाले पार्टी परित्याग गरेको घोषणा

धरमपुर – झापा धरमपुरका पुराना कम्युनिष्ट नेता दिपेश राईले आजदेखि नेकपा (एमाले) को साधारण सदस्यसमेत नरहनेगरी पार्टी परित्याग गरेको घोषणा गर्नुभएको छ । नेकपा (एमाले) शिबसताक्षी–२ का इन्चार्ज समेत रहनुभएका पुराना नेता राईले आज बिश्व श्रमिक दिवसको अवसर पारेर एमालेबाट साधारण सदस्य समेत नरहनेगरी पार्टी परित्याग गरेका हुन् ।

नेता राईले आज आफ्नो फेसबुक मार्फत पार्टी परित्याग गरेको बिज्ञप्ती सार्वजनिक गर्नुभएको छ । खासगरी, वैशाख ३० गते शुक्रबार देशभर एकैसाथ हुने स्थानीय तहको निर्वाचनप्रती उम्मेद्वार छनौटमा नेता राई असुन्टुष्टी बन्दै आउनुभएको थियो ।

अघिल्लो (२०७४ साल) को स्थानीय निर्वाचनमा राईले शिबसताक्षी–२ मा पार्टीवाट वडा अध्यक्षको उम्मेद्वार बन्ने आकाक्षा राख्नुभएको थियो । यद्धपी, त्यस समयमा नेता राईलाई आगामी निर्वाचनमा सम्मानजनक पार्टीवाट वडा अध्यक्षमा उम्मेद्वार बनाउने भनेर नेतृत्ववीच सहमती भएको पार्टी समाचार श्रोतले जनाएको छ ।

तत्कालिन धरमपुर गाविसको एमाले गाउँ कमिटी सदस्य, उपाध्यक्ष र अध्यक्षहुदै क्षेत्रीय कमिटी सदस्य र जिल्ला कमिटी सदस्यमा समेत रहेर जिम्मेवारी पुरा गरिसक्नुभएको छ । सादगी जीवन बिताइरहनुभएका नेता राईलाई धरमपुरमा एमालेका पुराना र इमान्दार नेताको रुपमा चिन्ने गरेको पाइन्छ । कृषि क्षेत्रबाट आफ्नो र परिवारको गुजारा गरिरहनुभएका नेता राईको नेतृत्वमा धरमपुरको ठूलठूला विकासका योजनाहरु र योजनाहरु सम्पन्न गर्न सफल हुनुहुन्छ । त्यसोत वहाँलाई तत्कालिन समयमा शसस्त्र जनयुद्धको समयमा आक्रमणबाट बच्नुभएको थियो ।

आसन्न निर्वाचनमा टिकट वितरणमा अघिल्लो पुस्ताको योगदानलाई बिर्सेर नयाँ युवालाई वडा अध्यक्षको उम्मेद्वार छनौट गरेकोप्रती राईको गुनासो छ । साथै, वहाँले पार्टी नेतृत्वमा रहेरको समयमा कुनै सार्वजनिक पद वा लाभ नलिएको र ४० वर्ष बढी लामो एमाले राजनीति जीवनमा आफुले पार्टीबाट कुनै लाभ नलिएको र बरु धेरै योगदान गरेको सो बिज्ञप्तीमा उल्लेख गर्नुभएको छ ।

त्यस्तैं, नेता राईले आफु श्रमिक वा मजुदर भएकोले आजै विश्व श्रमिक दिवसको अवसर पारेर पार्टी परित्याग गरेको सो बिज्ञप्तीमा प्रष्ट पार्नुभएको छ । वहाँले आजैको मितिबाट पार्टीको कुनै खाले जिम्मेवारीबाट बिदा भएको र आगामी जीवन स्वतन्त्र रुपमा बिताउने समेत घोषणा गर्नुभएको छ ।