कमलनगर जेसिजद्वारा जेसीज यात्रा कार्यक्रमकाे शुभारम्भ

कमल – कमल गाउँपालिका स्थित कमलनगर जसीजले एफएम प्लस गाैरादहबाट प्रत्येक हप्ता शनिवार साँझ ७:०० बजेदेखि ७:३० बजेसम्म प्रसारण गर्ने समयतालिका तय गरी आज शनिवार साँझ गाैरादह स्थित एफएम प्लसकाे सभाकक्षबाट ‘जेसीज यात्रा’ कार्यक्रमकाे शुभारम्भ गरेकाे छ ।

नेपाल जेसीजका राष्ट्रिय उपाध्यक्ष एवम् कमलनगर जेसीजका निरूपित उपाध्यक्ष जेसी राजीव प्रसाईँकाे प्रमुख आतिथ्य तथा कमलनगर जेसीजका अध्यक्ष जेसी नारायण बस्तेत, कार्यक्रम संयाेजक दिनेश चाैहान साथै कमलनगर र गाैरादहका जेसीज पदाधिकारीहरू, समाजसेवीहरू, पत्रकारहरू लगायतकाे उपस्थिति रहेकाे उक्त जेसीज यात्रा शुभारम्भ कार्यक्रममा शिक्षक विजयकुमार अधिकारी, कमल-१ का वडाध्यक्ष केदार कट्वाल लगायतले शुभकामना मन्तव्य प्रकट गर्नुभएकाे थियाे भने कार्यक्रमकाे सञ्चालन कमलनगर जेसीजका महासचिव भीम अधिकारीले गर्नुभएकाे थियाे ।

उक्त कार्यक्रमलाई एफएमप्लस गाैरादहबाट प्रत्यक्ष प्रसारण गरिएकाे थियाे । कार्यक्रमकाे अन्त्यमा कमल सांस्कृतिक मञ्चका अध्यक्ष कैलाश थापा मगर, शिक्षक विजयकुमार अधिकारी लगायतलाई कमलनगर जेसीज वर्ष २०२२ का अध्यक्ष जेसी नारायण बस्नेतले मायाकाे चिनाे प्रदान गर्नुभएकाे थियाे ।

आजदेखि एफएम प्लस गाैरादहबाट प्रसारण सुरु भई हरेक हप्ता शनिवार साँझ ७:०० बजेदेखि ७:३० बजेसम्म प्रसारण हुने जेसीज यात्रा रेडियाे कार्यक्रममा नेपालका विभिन्न स्थानमा रहनुभएका जेसीज व्यक्तित्वहरूसँगकाे महत्त्वपूर्ण कुराकानीलाई प्रस्तुत गरिने र उक्त कार्यक्रमकाे सञ्चालन जेसी नारायण बस्नेतले गर्नुहुने जनाइएकाे छ ।