कमलको ज्योति मा. वि. गाउँपालिका कै पहिलो वालमैत्री विद्यालय घोषणा (फोटो फिचर सहित)

कमल । झापाको कमल गाउँपालिका वडा नम्वर २, भत्लुङ्ग स्थित ज्योति माध्यमिक विध्यालय गाउँपालिका कै पहिलो वालमैत्री विद्यालय घोषणा भएको छ ।

कमल गाउँगालिकाले आगामी फागुन मसान्त सम्ममा कमल गाउँपालिकालाई वालमैत्री स्थानिय शासनयुक्त स्थानिय तहका रुपमा घोषणा गने प्रतिवद्धता जनाए अनुसार गाउँपालिकामा भएका २१ वटा सामुदायकी विद्यालय मध्ये सबै भन्दा पहिले ज्योति माध्यमिक विद्यालयले सबै सुचक पुरा गरेकोले बालमैत्री विद्यालयका रुपमा कमल गाउँपालिकाकी अध्यक्ष मेनुका काफ्लेले घोषणा गर्नु भएको हो ।

गाउँ कार्यपालिकाको २०७७ साल फागुन १२ गते बसेको बैठकको निर्णय अनुसार बालमैत्री घोषणाका लागी आवश्यक ५१ वटा सुचक पुरा गरी पहिलो हुने सामुदायीक विद्यालयलाई रु १ लाख ५० हजार नगद दिने घोषणा भए अनुसार विद्यालयले सो रकम समेत प्राप्त गरेको छ ।

“खुशी राखौँ बालबालिकाको मुहार, बालमैत्री कमल समृद्धिको आधार” भन्ने नाराका साथ २०७८ साल फागुन मसान्त भित्रमा आफ्नो विद्यालयलाई बालमैत्री विद्यालय बनाउनका लागी विगत वर्ष देखी नै विभिन्न कार्यक्रम सन्चालन गर्दै आएको थियो । विद्यालयलाई यो अवस्थासम्म ल्याएर गाउँपालिका कै पहिलो वाल मैत्री विद्यालय बनाउनका लागी दिनरात लाग्नुहुने विद्यालय व्यवस्थापन समिति, अभिभावक , बाल क्लवका विद्यार्थीहरु समेतको महत्वपुर्ण भुमिका रहेको विद्यालयका प्रधानाध्यापक नगेन्द्र बस्नेतले बताउनु भयो ।

कार्यक्रममा कमल-२ का वडा अध्यक्ष तारा प्रसाद न्यौपानेको अध्यक्षतामा भएको घोषणासभा कार्यक्रममा बालक्लवका उपाध्यक्ष युना बस्नेतले स्वागत मन्तव्य राख्नु भएको थियो भने विद्यालय सहायक प्रधानाध्यापक नारायण बस्नेतले सन्चालन गर्नु भएको थियो ।

यस्तैगरी कार्यक्रममा विशिष्ट आतिथ्यताका रुपमा कमल गा.पाका उपाध्यक्ष वेनु प्रसाद सिवाकोटी, अतिथिहरुमा कमल गा.पा. शिक्षा शाखा प्रमुख सुर्य प्रसाद न्यौपाने, महिला तथा बालबालिका शाखा प्रमुख रेणुका गौतम, वडा नं. २ का वडा सचिव देवि प्रसाद फुँयाल, वडा नं. २ का वडा सदस्यहरु ज्ञानेन्द्र गौतम, देविका देवि थापा, विद्यालय व्यवस्थापन समितिका अध्यक्ष तिलक खड्का, शिक्षक अभिभावक संघका अध्यक्ष हेमकुमारी बजगाई लगायतको उपस्थित भएको थियो ।

कार्यक्रममा जनप्रतिनिधी, विद्यालय व्यवस्थापन परिवार, अविभावक, वालक्लवका सदस्यहरुको उपस्थितीमा विद्यालयलाई पहिलो बालमैत्री विद्यालय घोषणा गरिएको हो ।

साथै उक्त कार्यक्रममा पूर्व विद्यालय व्यवस्थापन समितिका अध्यक्ष भिम बहादुर श्रेष्ठले आफ्नो माता स्व. भिममाया श्रेष्ठको नाममा राखेको अक्षयकोषको व्याजले गरिब तथा जेहेन्दार विद्यार्थीहरुलाई छात्रवृत्तिका रुपमा कपि, कलम समेत वितरण गरिएको थियो ।