दमक नगरपालिकाका जनप्रतिनिधिहरुलाई भुमिहिन सुकुम्बासी अव्यवस्थित बसोबासिहरुप्रती जवाफदेही बन्न ध्यानकर्षण

शान्तिराम आचार्य/ २६ पौष,२०७८ झापा – झापाको दमक नगरपालिकाका जनप्रतिनिधिहरुले भुमिहिन सुकुम्बासिहरु, दलित सुकुम्बासिहरु तथा अव्यवस्थित बसोबासिहरुप्रती जिम्मेवार जवाफदेही नभएको ठहर गर्दै नेपाल कम्युनिस्ट माओबादी पार्टि निकट सुकुम्बासी सङ्गठन दमक नगर समितिले आज एक प्रेस बिज्ञप्ती मार्फत ध्यानाकर्षण गराएको छ ।

झापाका ४ वटा पालिकाहरुमा २०७८ पौष २० गते नेपाल सरकार मार्फत बनेको भुमी आयोगले सम्झौताकालागि पत्राचार गरेको तर दमक नगरपालिका उक्त सम्झौता पत्रमा हस्ताक्षर गर्न नगएको र यस कुराले दमक नगरपालिकाका प्रतिनिधिहरु भुमिहिन सुकुम्बासिहरु दलित सुकुम्बासिहरु साथै अब्यबस्थीत बसोबासिहरु प्रति जिम्मेवार नरहेको ठहर गर्दै प्रेस बिज्ञप्ती निकालेका हुन ।

उक्त पत्रमा २०७८ पौष २४ गते सम्झौता पत्रमा हस्ताक्षर गरेर २०७८ मार्घ १८ गतेदेखी भुमी समस्या समाधानकालागी कार्य प्रारम्भ हुने निश्चित गरि पत्राचार गरिएको थियो । बिज्ञप्तीमा भनिएको छ आजको दिन देखि ३ दिन भित्रमा पुन सम्झौता गरि भुमी समस्या समाधानको लागि मार्ग प्रशस्त गर्न अनुरोध गरिएको यदि उक्त प्रेस बिज्ञप्तीलाई बेवास्ता गरे कडा संर्घषका कार्यक्रमहरु सार्बजनिक गर्दै दमक नगर प्रमुख लगायतकाको विरुद्धमा कडा बिरोधका कार्यक्रम गर्ने भनी राम लिम्बू र श्याम कुमालद्धारा हस्ताक्षरित बिज्ञप्ती मार्फत ध्यानाकर्षण गराईएको छ ।