झापाको कमलमा युवा श्रोत केन्द्र सञ्चालनमा

कमल । झापाको कमल गाउँपालिका वडा नं. ६, लखनपुरमा युवा श्रोत केन्द्र सञ्चालनमा आएको छ । कारितास नेपाल र कमल गाउँपालिका वडा नं. ६ वडा कार्यालयको संयुक्त पहलमा युवा श्रोत केन्द्र सञ्चालनमा आएको हो ।

श्रोत केन्द्र सञ्चालनकै लागि स्थानीय युवा क्लबलाई कारिटासले १ लाख ५३ हजार रुपैयाँ बराबरका प्रिन्टर, दराज, कुर्सी लगायतका सामाग्री प्रदान गरिएको कारितासका गोविन्दराज कट्टेलले जानकारी दिनुभयो ।

गाउँपालिका उपाध्यक्ष बेनुप्रसाद शिवाकोटीको प्रमुख आतिथ्यमा भएको कार्यक्रममा कारितासका दमक फिल्ड कार्यालय प्रमुख देवेन्द्र पोखरेलले वडाअध्यक्ष नरेन्द्र भट्टराईलाई ति सामाग्री प्रदान गर्नु भएको हो । स्थानीय ढुकुढुकी युवा क्लव कमलको संरक्षणमा रहने गरि युवा श्रोत केन्द्र सञ्चालन हुनेछ ।