झापाका अव्यवस्थीत भुमिहिनहरूले जग्गाको स्वामीत्व प्राप्त गरे ।

२९ असार २०८३ झापा,

झापा बुद्धशान्ति गाउँपालिकाका पाँच अव्यवस्थित बसोबासी परिवारले आवासीय जग्गाको जग्गाधनी दर्ता प्रमाणपुर्जा (लालपुर्जा) प्राप्त गरेका छन्।

जिल्ला भूमि समस्या समाधान समिति झापाले सोमबार बुद्धशान्ति गाउँपालिका–४ का पाँच परिवारलाई औपचारिक रूपमा जग्गाको स्वामीत्व अन्तर्गत जग्गा धनिप्रमाण पुर्जा  वितरण गरेको हो।

लालपुर्जा प्राप्त गर्नेमा अनिता मगर, पुष्पा थापा मगर, हरिप्रसाद ज्ञाङ्मी मगर, सोनु लिम्बू र आकृति तामाङ रहेका छन्। उनीहरूलाई आवासीय प्रयोजनका लागि जग्गाधनी दर्ता प्रमाणपुर्जा प्रदान गरिएको समितिले जनाएको छ।

समितिका सदस्य सचिव शिवप्रसाद लम्सालका अनुसार असार २६ गते बसेको जिल्ला भूमि समस्या समाधान समितिको निर्णयअनुसार उनीहरूलाई लालपुर्जा वितरण गरिएको हो।