भोलीदेखी तिन दिन काठमडौका बॅाकी सुकुम्वासी वस्तीमा डोजर चल्दै ।

१७ बैसाख २०८३काठमाडौं–

शुक्रबार देखि तीन दिनसम्म काठमडौ जिल्लाका विभिन्न सुकुम्बासी बस्तीमा डोजर चल्दैछ। जिल्ला प्रशासन कार्यालय काठमाडौंले सूचना जारी गरेर बिहान ७ बजेबाट एकै पटक भिन्न भिन्न स्थानका सुकुम्बवासी वस्ती खाली गर्ने निर्णय सार्वजनिक गरेको हो ।

सहरी विकास मन्त्रालयले २०७९ फागुनमा निकालेको प्रतिवेदन अनुसार काठमाडौं उपत्यकाका विभिन्न ठाउँमा बस्ने सुकुम्बासी तथा अव्यवस्थित घरपरिवार संख्या करिब ३५ सय छ। तीमध्ये अहिलेसम्म डोजर चलाइएका सुकुम्बासी बस्तीमा करिब १८०० परिवार बसोबास गर्थे।

जिल्ला प्रशासनले भने अनुसार बाँकी बचेका बस्तीमा शुक्रबारबाट एकैपटक डोजर चलाउँदा थप १७ सय परिवार प्रभावित हुनेछन्। यो क्रम शनिबार र आइतबार पनि जारी रहने सुचना मार्फत जानकारी गराईएको छ ।

सूचना जारी भएसँगै काठमाडौं महानगरपालिका–३ का सुकुम्वासीवस्तीहरू खाडीपाखा, रानीबारी, नारायणटोल क्षेत्रका सुकुम्बासीहरू डेरा सर्न थालेको वताईएको छ ।

काठमाडौं उपत्यकाभित्र कागेश्वरी मनोहरा नगरपालिकामा ९०, बुढानीलकण्ठ नगरपालिकामा १३८, ललितपुर महानगरमा १७, गोदावरी नगरपालिकामा २१५, मध्यपुरथिमि नगरपालिकामा ७७३, काठमाडौं महानगरपालिकाभित्र २२२६ गरी ३४५९ अव्यवस्थित परिवार रहेको सरकारी अभिलेखमा रहेको विवरण सार्वजनिक भैरहेको छ ।