२४ चैत्र २०८२ काठमडौ –
नयॅा सरकारले पेट्रोलियम पदार्थमा कर छुट दिने निर्णय गरेको छ ।
मन्त्रिपरिषद्को मंगलबार बसेको बैठकले पेट्रोलियम पदार्थमा लाग्दै आएको करमध्ये पूर्वाधार कर र भन्सार महसुलमा ५० प्रतिशत छुट दिने निर्णय गरेको हो ।
अहिले भन्सार महसुल बापत पेट्रोलमा २५ रुपैयाँ २३ पैसा र डिजेलमा १२ रुपैयाँ २ पैसा कर लाग्दै आएको छ । त्यस्तै, पूर्वाधार करबापत दुवै पेट्रोल र डिजेल दुवैमा १० रुपैयाँको कर लाग्दै आएको निगमका प्रवक्ता मनोज ठाकुर बताउँछन् ।
यो निर्णयसँगै प्रतिलिटर पेट्रोलमा १७ रुपैयाँ ५० पैसा र पेट्रोलमा ११ रुपैयाँ कर छुट हुनेछ । यसअघिसम्म एक लिटर पेट्रोलमा मात्रै ६६ रुपैयाँ ९८ पैसा कर लाग्दै आएको थियो । यस्तै डिजेलमा प्रति लिटर ४९ रुपैयाँ २८ पैसा कर लाग्ने गरेको थियो ।
यस अन्तर्गत अतिरिक्त मूल्य अभिवृद्धि कर, सडक मर्मत सम्भार कर, मूल्य स्थिरीकरण कोष शुल्क, प्रदूषण कर र हरित कर राज्यले उठाइँदै आइएको छ ।
त्यस्तै घरेलु उपभोगका लागि प्रयोग हुने एलपी ग्यासमा एक सिलिन्डर ग्यासमा राज्यले ३२४ रुपैयाँ ९५ पैसा कर उठाउँछ हवाई इन्धनमा पनि प्रतिलिटर ३४ रुपैयाँ ४८ पैसा कर राज्यले उठाउँदै आएको छ ।
Discussion about this post