पाँचथर जिल्लाको याङवरक गाउँपालिका वडा नम्बर-५ को दाहाल गाउँ भन्ने ठाउमा पतिको कुटपिटबाट श्रीमतीको मृत्यु भएको छ।
- बर्ष ४०कि सम्झना भट्टराईको ज्यान आफ्नै श्रीमान कृष्ण लिङ्देनको कुटपिटबाट भएको हो भन्ने खबर पाँचथर जिल्ला प्रहरी कार्यालयले गराएको छ।
प्रहरीका अनुसार वैशाख ३ गते बिहान घरायसी विवादका क्रममा लिङ्देनले सम्झनालाई कुटपिट गरेका थिए।
गम्भीर घाइते भएकी सम्झनालाई सुरुमा फिदिमस्थित जिल्ला अस्पताल लगिएको थियो। त्यहाँबाट थप उपचारका लागि धरानस्थित बिपी कोइराला स्वास्थ्य विज्ञान प्रतिष्ठानमा स्थानान्तरण गरिएको थियो।
तर उपचारकै क्रममा आइतबार राति उनको मृत्यु भएको हो।मृतकको शव हाल बिपी कोइराला स्वास्थ्य विज्ञान प्रतिष्ठानको शवगृहमा राखिएको छ।
घटनापछि आरोपी कृष्ण लिङ्देनलाई अस्पतालबाटै नियन्त्रणमा लिई इलाका प्रहरी कार्यालय धरानमा राखिएको प्रहरी स्रोतले जनाएको छ। घटनाबारे थप अनुसन्धान भइरहेको प्रहरीले जनाएको छ ।
Discussion about this post