दमक २०८१ जेठ १
- झापाको दमक ४ मा सन्चालित अर्किड एकेडेमिले नव आगन्तुक विद्यार्थीहरुलाइ स्वागत तथा वार्षिक परिक्षा २०८१ को पुरस्कार वितरण कार्यक्रम विभिन्न साङ्गितिक कार्यक्रम को आयोजना गर्दै सम्पन्न गरेको छ ।
उक्त कार्यक्रममा प्रमुख अतिथि दमक शिक्षा समितिका संयोजक तथा दमक वडा नं. ९ का अध्यक्ष कुवेर प्रसाद भट्टराईको आतिथ्यता रहेको थियो ।
अर्किट एकाडेमिमा नयाँ आगन्तुक बिधार्थिहरुलाई स्वागत तथा साङ्गितिक कार्यक्रममा बोल्दै अध्यक्ष भट्टराईले शिक्षामा विभेद गर्नु दण्डनीय हुने बताएका छन् ।
उनले शिक्षालाई गुणस्तरीय बनाउन अभिभावक र विद्यालय प्रशासनको समान दायित्व र भूमिका रहनुपर्ने सुझाएका हुन् ।
- विहिवार अर्किट बिधालयको आफ्नै बिधालय परिषर भित्र सम्पन्न गरिएको उक्त कार्यक्रममा विद्यालयका नर्सरीदेखि कक्षा ७ सम्मका विद्यार्थीहरुले आफ्नो कला प्रस्तुत गरेका थिए ।
जसमा सामूहिक नृत्य, बाल नृत्य, गायनलगायतका प्रस्तुतिहरु प्रस्तुत गरेर अभिभावकहरु तथा उपस्थित पाहुनाहरुलाई मनोरञ्जन दिलाएका थिए ।
कार्यक्रममा अघिल्लो शैक्षिक वर्षका उत्कृष्ट अंक ल्याउने विद्यार्थीहरुलाई पुरस्कृत गर्नुका साथै अनुशासित र जेहेन्दार तथा सरसफाई र पोषाकमा ईमान्दारिता लाई ध्यान दिने विद्यार्थीहरु लाइ ताजबाट सम्मान गर्दा विद्यार्थीहरु उत्प्रेरित उत्साहित देखिएका थिए ।
कार्यक्रममा अभिभावकको तर्फबाट मन्तव्य राख्दै सञ्चारकर्मी बिमल लामिछानेले अभिभावक र शिक्षक शिक्षिकाको सम्बन्ध नङ र मासुको जस्तो हुन सकेमात्र विद्यालय र विद्यार्थीको शैक्षिक विकास हुने बताए।
उनले एउटा विद्यालय कुट्ने स्कूल नभई सिक्ने स्कूलको रुपमा परिचय बनाउन सुझाव दिए ।
- भब्य उपस्थित रहेका अभिभावक र विद्यार्थीहरुलाई सम्बोधन गर्दै प्रिन्सिपल लक्ष्मी नेपालले अभिभावकको रेखदेख र सकारात्मक भूमिकाबाट मात्रै विद्यालयका शैक्षिक गुणस्तर राम्रो बनाउन र विद्यार्थीहरुमा पनि दक्षता बढाउन सकिने बताए ।
उनले यस शैक्षिक सत्रबाट विद्यालयमा ई—सेवाको माध्यमबाट विद्यार्थीका गतिविधि र दैनिक क्रियाकलापहरुलाई अभिभावकसँग जोड्ने प्रयत्न गरेको भन्दै अबका दिनमा अभिभावकले घरमै बसेर आफ्ना नानीबाबुहरु स्कूल पसेको र स्कूलबाट निस्किएको जानकारी पाउन सकिने एप सञ्चालनमा ल्याईएको बताए ।
यसैगरी विद्यार्थीहरुको दूर्घटना बिमाको व्यवस्था, त्रैमासिक परीक्षा मूल्याङ्कन, अभिभावक तालिम, विद्यार्थीहरुलाइ शैक्षिक भ्रमणलगायतका सेवाहरु थप गरिएको जानकारी दिए ।
कार्यक्रममा नवआगन्तुक विद्यार्थीहरुलाई स्वागत तथा अभिनन्दन गरिएको थियो भने अभिभावकहरुलाई शिक्षक शिक्षिकाहरुले गीतको माध्यमबाट स्वागत गरेको थिए ।
Discussion about this post