प्याब्सन स्थापना दिवसमा दीप प्रज्वलन कार्यक्रम सम्पन्न

२४ पौष २०८१, दमक 

प्याब्सन दमकले प्याब्सनको ३४ औं स्थापना दिवसको अवसरमा दीप प्रज्वलन कार्यक्रम सम्पन्न गरेको छ। निजि विद्यालयहरुको छाता संगठन प्याब्सनको बि. स. २०४७ सालमा स्थापना भइ निजि विद्यालयहरुको हकहितमा कार्य गर्दै आएको छ ।

आज दमकमा प्याब्सन दमकका अध्यक्ष नविन योगीको अध्यक्ष तथा प्याब्सन झापाका सस्थापक अध्यक्ष मनोज राइको प्रमुख आतिथ्यता, प्याब्सन कोशी प्रदेश सल्लाहकार एल. डि राइ, प्याब्सन झापाका पुर्व वरिष्ठ उपाध्यक्ष श्रवण कुमार पोख्रेल, पुर्व उपाध्यक्ष चन्द्र प्रकास राइको विशेष आतिथ्यता र प्याब्सन दमकका सचिव लक्ष्मी नेपालले सन्चालन गरि दीप प्रज्वलन कार्यक्रम सम्पन्न गरेको हो। दमक प्याब्सन अन्तर्गतका ५६ विद्यालय हरुको सहभागितामा उक्त कार्यक्रम सम्पन्न गरिएको दमक प्याब्सनकि कोषाध्यक्ष एलिजा सिटौलाले जानकारी दिनु भयो । उक्त कार्यक्रममा प्रमुख अतिथि मनोज राइले शुभकामना व्यक्त गर्दै सबै एक जुट भएर निजि विद्यालयको हकहितमा लाग्न आग्रह गर्नु भयो ।