७ कार्तिक२०८१
काठमाडौं : गाजामा युद्धविराम र बन्धक
रिहाइको पहल गर्न इजरायल पुगेका अमेरिकी विदेश मन्त्री एन्टोनी ब्लिन्केनले मानवीय सहायता बढाउन इजरायलका प्रधानमन्त्री बेन्जामिन नेतन्याहुलाई दबाब दिएका छन्।
मध्यपूर्वमा द्वन्द्व भड्किरहेको बेला भएको दुई नेताबीच भएको करिब साढे दुई घण्टा वार्तामा गाजामा नागरिकहरुलाई बढी मानवीय सहायताको आवश्यकताबारे छलफल भएको अन्तर्राष्ट्रिय सञ्चारमाध्यमले जनाएका छन्। साथै गाजाका नागरिकहरुलाई मानवीय सहायताको पहुँच बढाउन समेत छलफल भएको छ।
अमेरिकी विदेशमन्त्रीले गाजामा युद्धविराम अर्थात् पोस्ट वार पछिको योजानाका विषयमा नेतन्याहूसँग ठोस छलफल गरेको बताइएको छ। गत वर्षको अक्टोबर ७ देखि इजरायल र हमासबीच युद्ध सुरु भएयता मध्यपूर्वमा ब्लिन्केनको यो एघारौं भ्रमण हो।
ब्लिन्केन इजरायलमा रहँदा इजरायली सेनाले दक्षिणी लेबनानमा हवाई आक्रमण जारी राखेको छ। इजरायली सेनाको पछिल्लो आक्रमण कम्तिमा १० जनाको मृत्यु भएको छ भने ५ जना वेपत्ता भएका छन्।
यसैबीच इजरायली डिफेन्स फोर्स (आइडीएफले हिजुबुल्लाह प्रमुखका हसन नसरुल्लाहका उत्तराधिकारी हासेम सफिद्दिन मारिएको पुष्टि गरेको छ ।
Discussion about this post