मोटरसाईकलको ठक्करबाट बस चालकको मृत्यु ।

२८असोज २०८१झापा ।
आईतबार विहान झापामा मोटरसाइकलको ठक्करबाट एक जनाको मृत्यु भएको छ ।

मोटरसाइकलले मेचीनगर-७ इटाभदामा धुलाबारीबाट काँकरभिट्टातर्फ जाँदै गरेको होटल मेची क्राउनमा काम गर्ने अविशेक लिम्बु सवार प्र. ०१-१७ प ७४४ नम्बरको मोटरसाइकलले मेचीनगर-७ इटाभट्टामा ठक्कर दिँदा सगरमाथा यातायातका चालक ४५ वर्षीय डिकेन राजवंशीको मृत्यु भएको हो ।

मोटरसाईकलको ठक्करबा गम्भिर घाइते भएका राजवंशीलाई उपचारका लागि विर्तामोडस्थित बीएण्डसी अस्पताल लगिएको थियो। उपचारकै क्रममा उनको मृत्यु भएको प्रहरीले जनाएको छ ।

दुर्घटनापछि मृतकका आफन्त र यातायात व्यवसायी संघका कर्मचारीहरुले पूर्वपश्चिम राजमार्ग अवरुद्ध गरेका थिए। प्रहरीले यातायात सञ्चालनमा ल्याएको छ ।