गर्मी अत्यधिक बढेको झापामा २ जना मानिसहरुको मृत्यु ।

१३ जेस्ठ २०८१ झापा ।
झापामा अहिले अत्यधिक गर्मी बढे सङ्गै तातो हावा चल्न थालेको छ ।
अत्यधिक गर्मी बढेकोले मेची नगरको सडकमा हिँड्दा हिँड्दै एकजना पैदलयात्रीको मृत्यु भएको छ । २दिन अघि अपरान्ह ५:३० बजेतिर मेचीनगर ९ का ७४ वर्षका नरबहादुर श्रेष्ठ मेचीनगरको धुलाबारीरि टिमाई पुल छेउमा अत्यधिक गर्मी सहन नसकेर बेहोस भैई लडिरहेको अवस्थामा भेटिएका थिए ।

मेचीनगर ९ का वडा सदस्य धनबहादुर श्रेष्ठका पिता नरबहादुर श्रेस्ठलाई स्थानीयले बाटोमा हिड्दै गर्दा अचेत अवस्थामा देखेर उपचारका लागि मेची आम्दा अस्पताल पुर्याउँदा चिकित्सकले उनलाई मृत घोषणा गरेका थिए ।

छिमेकीका अनुसार उनी दिउँसो धुलाबारीमा आयोजना गरिएको प्रेम भोजमा सहभागी भएर उनी घर फर्किन लागेको हुनसक्ने अडकल गरिएको छ । स्थानीयको भनाई अनुसार उनि अत्यधिक गर्मीका कारण श्रेस्ठको मृत्यु भएको अनुमान गरिएको छ ।
त्यस्तै, अर्का ब्यक्ती अपरान्ह बुद्धशान्तिको जयपुरमा एक बेवारिसे शव फेला परेको छ । उनको वतन खुलिनसकेको बताइएको छ ।उनी घर घरै गएर मागिखाई हिड्ने अन्दाजी ६०-६५ वर्षको देखिने एक पुरुष बाटोको छेउमा मृत्त भेटिएको स्थानिय झापा प्रहरिले जनाएको छ ।
उनको पनि अत्यधिक गर्मीको कारण मृत्युु भएको हुन सक्ने अनुमान गरिएको छ ।
झापामा हाल मध्यान्हमा ४०° तापक्रम रहेको मौसम बिज्ञान बिभागले जनाएको छ ।

message