दमक, २८ माघ । झापाको दमकमा आजबाट सञ्चालन हुँदै गरेको दमक महोत्सव-२०८० मा आज पहिलो दिन अर्थात माघ २८ गते आइतबारका दिन रसियन कलाकारहरूको बेजोड नृत्य रहने भएको छ ।
बेलुका ७ः०० बजेदेखि प्रस्तुत हुने उक्त नृत्य साथै राजस्थान कलाकारहरूको समेत बेजोड नृत्य रहने महोत्सव प्रचारप्रसार संयोजक तुलसीराम तिम्सिनाले बताए । साथै स्थानीय कलाकार र साङ्गीतिक समूहको पनि विशेष प्रस्तुति रहने छ ।
दमक उद्योग वाणिज्य संघ आयोजनमा माघ २८ गतेबाट दमक-७, सयपत्री टोल, रतुवा किनारमा सुरु भएको महोत्सव फागुन १२ गतेसम्म जारी रहनेछ ।
Discussion about this post