दमक, २६ माघ । झापामा निजी तथा आवासीय विद्यालय अर्गनाइजेशन नेपाल, झापाले जिल्लास्तरी खेलकुद कार्यक्रम सुरु गरेको छ ।
यही माघ २५, २६ र २७ गतेसम्म हुने उक्त खेलकुद कार्यक्रम झापाको कमल गाउँपालिका वडा नं. २ स्थित केरखा खेल मैदानमा सञ्चालन भइरहेको छ ।
उद्घाटन कार्यक्रममा प्याप्सन झापाका अध्यक्ष गौरिमान फागोको अध्यक्षता रहेको थियो भने प्रमुख अतिथिमा कोशी प्रदेश सभामुख अम्बर बहादुर बिष्ट रहनु भएको थियो । त्यस्तै अतिथिहरुमा प्याब्सन केन्द्रिय उपाध्यक्ष नारायण घिमिरे, प्रदेश सचिव कोषराज प्याकुरेल, दमक वडा नं. ७ का अध्यक्ष भिम पौडेल लगायतको उपस्थिति रहेको थियो ।
उक्त खेलकुद कार्यक्रम अन्तर्गत १५ वर्ष मुनिको फुटबल, कक्षा १० सम्मको छात्र भलिबल, कक्षा १० सम्मको छात्रा भलिबल, कक्षा १२ सम्मको छात्र भलिबल, कक्षा १२ सम्मको छात्रा भलिबल र कक्षा १० सम्मको छात्र क्रिकेट रहेको जिल्ला खेलकुद सयोजक टि.आर. गौतमले जानकारी दिनुभयो ।
कार्यक्रमको सञ्चालन भने हरि कृष्ण पाठकले गर्नुभएको थियो ।
Discussion about this post