कमल – झापाको कमल–५ मंगलवारेस्थित सगुन युवा क्लवले हरितालिका अवसर पारेर सोमबार तिज विशेष कार्यक्रम गरेको छ ।
स्थानीय दुर्गा मन्दिरको प्राङगणमा विशेष कार्यक्रम गरि तिजमूलक सांस्कृतिक नृत्य कार्यक्रम गरिएको क्लवका अध्यक्ष देवी आङदेम्बेले बताएका छन् ।
तिज विशेष कार्यक्रममा स्थानीय किर्तन मण्डली तथा सर्वसाधारणहरुले तिज नृत्य प्रस्तुत गरेका थिए । कार्यक्रममा मन्दिरका अध्यक्ष समेत रहेका समाजसेवी ललितकुमार वान्तवाले सर्वसाधारणका लागि दही, स्याउ लगायतका फलफूल सौजन्य गरि सहयोग पुरयाँएका थिए ।
क्लवले सांस्कृतिमूलक चाडपर्वको जगेर्ना गर्ने उद्देश्यले तिजसहित दशैमा दुर्गा पूजा भव्य रुपले मनाउदैआएको सचिव रोशन दाहालले बताए । यसवाहेक क्लवले युवा लक्षित खेलकुद तथा सामाजिक रुपान्तरण लगायतका कार्यक्रमहरु समेत सञ्चालन गरिआएको छ ।
Discussion about this post