कमलको केर्खामा केर्खा स्टार क्लवले महोत्सव आयोजना गर्दै

दमक – झापाको कमल गाउँपालिका–३ स्थित केर्खा खेल मैदानमा आज असार १३ गतेदेखि प्रथम पूरानो तोपगाछी केर्खा महोत्सव–२०८० हुने भएको छ ।

स्थानीय केर्खा स्टार क्लवले हिजो सोमबार पत्रकार सम्मेलन गरि असार १३ देखि एक महिने महोत्सव शुरु हुने भएको क्लवका सचिव तथा महोत्सव मूल आयोजक समितिका संयोजक दुर्गाप्रसाद कोइरालाले बताए ।

उनका अनुसार महोत्सवमा स्थानीय जनजातिका खाद्यपरिकार, कृषि प्रर्दशनीसहित विभिन्न खेलतमासाहरु सञ्चालन हुने छन् । त्यस्तै, दैनिक स्थानीय तथा राष्ट्रियस्तरका चर्चित कलाकारहरु प्रमोद खरेल, रचना रिमाल, मेलिना राई, तृष्णा गुरुङ, एलिना चौहान, लाहुरे लगायतको दमदार प्रस्तुति रहने जनाईएको छ । महोत्सवमा प्रवेश शुल्क रु १ सय राखिने जनाईएको छ ।

महोत्सव सफल बनाउन क्लवले सवै तयारी पूरा गरिसकेको अध्यक्ष कोइरालाले बताए । उनले महोत्सवबाट संकलन हुने सहयोग रकमबाट यस क्षेत्रमा लागूऔषध दुव्र्यसन विरुद्ध सचेतनामूलक अभियान सञ्चालन गरिने जानकारी दिए । महोत्सव सामाजिक कार्यका लागि भएकाले पनि यसलाई सफल संगै व्यवस्थित हुनेमा क्लव विश्वस्त रहेको उनको भनाई छ ।

महोत्सवको उद्घाटन पालिका अध्यक्ष हुकुमसिंह राईको प्रमुख आतिथ्यता तथा उपाध्यक्ष प्रमिला तिवारी न्यौपानेको विशिष्ट आतिथ्यता रहने आयोजक संस्थाले जनाएका छन् ।