कमलमा शिक्षकहरुका लागि ईमिस तथा आईसिटी सम्बन्धि तालिम सम्पन्न

कमल, १४ जेठ । झापाको कमल गाउँपालिकामा शिक्षकहरुका लागि ईमिस तथा आईसिटी सम्बन्धि ४ दिने तालिम सम्पन्न भएको छ ।

कमल गाउँपालिकाको श्री कमला मदन आश्रित स्मृति माध्यमिक विद्यालय कमल-२, क्याम्पाको सभाहलमा उक्त तालिम सम्पन्न भएको हो । तालिम ३ दिने भनिएता पनि आज १ दिन थप गरिएको थियो ।

उक्त तालिममा २३ सामुदायिक विद्यालय र १३ संस्थागत विद्यालयका गरी करिब ३३ जना शिक्षकहरुको सहभागिता रहेको थियो । यस तालिममा विद्यालयले भोक्नु परेका विभिन्न आईसिटी सम्बन्धिका समस्याहरु र विशेषगरी विद्यालयमा भर्नुपर्ने ईमिसको समस्यालाई समाधान गर्नेका लागि तालिम सञ्चालन गरिएको कमल गाउँपालिका शिक्षा शाखाका प्राविधिक सहायक तथा उक्त कार्यक्रमका संयोजक रबिन गौतमले बताए ।

कार्यक्रममा श्री मंगलमय माध्यमिक विद्यालयका शिक्षक भानु खतिवडाले कमल गाउँपालिकाले गरेको यस तालिमले अहिले विद्यालयले भोगीरहेको ईमिस सम्बन्धि समस्याहरुको केहीहत सम्म समाधान गरेको बताउनु भयो । साथै आगामी दिनहरुमा पनि गाउँपालिका तथा शिक्षा शाखाले यी यस्ता नयाँ नविनतम् कार्यहरुको तालिम दिइरहेमा सम्पूर्ण शिक्षकहरुमा समस्या नरहने र तालिमबाट मात्र यस्ता आईसिटी तथा ईमिस सम्बन्धि आएका समस्याहरु समाधान हुने बताए ।

साथै कार्यक्रममा बोल्दै श्री पिङडाँडा प्राथमिक विद्यालयका प्रधानाध्यापक देवीमाया अधिकारीले प्रविधिमैत्रीमा नयाँ रहेकाले पनि आईसिटी भनेको के हो ?, ईमिस भनेको के हो ? यो कसरी भरिने रहेछ ? र अन्य आईसिटी सम्बन्धि जनाकारी हासिले गर्ने पाएकोमा कमल गाउँपालिकालागि धन्यावाद अभार गर्नुभएको छ भने आगामी दिनहरुमा पनि आईसिटी सम्बन्धि जानकारी नभएका तथा यस क्षेत्रबाट बन्चित भएका शिक्षकहरुका लागि पनि यी यस्ता तालिम सञ्चालन गर्ने समेत सुझाब दिनुभएको छ ।

कार्यक्रमको समापनमा कार्यक्रमको अध्यक्षता प्रशिक्षार्थी मध्येका जेष्ठ शिक्षक हरिप्रसाद गजुरेल रहनुभएको थियो भने प्रमुख अतिथिका रुपमा कमल गाउँपालिका शिक्षा शाखाका प्रमुख सूर्य प्रसाद न्यौपाने रहनुभएको थियो । कार्यक्रममा अतिथिका रुपमा श्री कमला मदन आश्रित स्मृति माध्यमिक विद्यालयका प्रधानाध्यापक हिमप्रसाद दहाल र कमल गाउँपालिका शिक्षा शाखाका प्राविधिक सहायक रविन गौतम रहनुभएको थियो भने समापन कार्यक्रमको सञ्चालन शिक्षक पूजा श्रेष्ठले गर्नुभएको हो ।

उक्त तालिमको आयोजना कमल गाउँपालिकाले सञ्चालन गरेको हो भने तालिम जेठ ११ गतेदेखि १४ गतेसम्म सञ्चालन भएको थियो।