दमक, १४ फागुन । झापाको दमकमा नवौँ दमक फुड फेस्टिवल-२०७९ को चौथो दिन आज फागुन १४ गते आइतबार चर्चित गायिका अस्मिता अधिकारी प्रस्तुत हुने भएको छ ।
बेलुका ८:३० बजेदेखि प्रस्तुत हुने अधिकारीले आफ्ना चर्चित गीतमार्फत मनोरञ्जन गराउने छिन् । अधिकारीसँग स्थानीय कलाकार र साङ्गीतिक समूहको पनि विशेष प्रस्तुति रहने फुड फेस्टिवलका सदस्य काजी राउतले जानकारी दिए ।
अधिकारीका तिम्रो मायाले बाधेर राख, को होला त्यो, टाढा भए पनि जस्ता सयौं गीत चर्चित छन् ।
फुड फेस्टिवलको पहिलो दिन राम लिम्बु, दोस्रो दिन महेश काफ्ले र तेस्रो तृष्णा गुरुङले आ–आफ्नो प्रस्तुति दिएका थिए ।
होटल व्यवसायी संघको आयोजनमा फागुन ११ बाट दमकको पशुहाटमा सुरु भएको फुड फेस्टिवल फागुन १९ गतेसम्म जारी रहनेछ ।
महोत्सवमा प्रवेश गर्न एक सय रुपैयाँको प्रवेश पास खरिद गर्नु पर्ने छ ।
Discussion about this post