दमक – झापाको दमकमा यहि फागुन ११देखि १९ गतेसम्म नवौं फूड फेस्टिवल–२०७९ हुने भएको छ ।
होटल व्यवसायी संघले बर्सेनी सञ्चालन गदैं आएको फूडफेस्टिवल यसवर्ष पनि नौ दिनसम्म आयोजना हुने भएको अध्यक्ष योगराज दाहालले बताए ।
स्थानीय खाद्यपरिकार तथा यहाँको पर्यटन, प्रवद्र्धनमा टेवा पुर्याउने उद्देश्यले संघले बिसं. २०७१ देखि फूडफेस्टिबलको आयोजना गरिदैआएको उनले बताए । संघले शुक्रवार दमकमा पत्रकार सम्मेलन गरि फूडफेस्टिवलको तयारी धमाधम भईरहेको जनाएको हो ।
उनका अनुसार फूडफेस्टिवल सम्पन्न गर्न संघका केन्द्रीय सदस्य समेत रहेको भुपेन्द्र न्यौपानेको संयोजकत्वमा एक मूल आयोजक समिति गठन गर्नुका एक दर्जन विभिन्न उपसमिति गठन गरि काम थालिएको छ ।
दमक -७ स्थित पशुहाटको मैदानमा आयोजना गरिने फूडफेस्टिबलमा विभिन्न जाति,जनजातिका तीन दर्जन बढी सांस्कृतिक खाद्यपद्धार्थहरु,कृषि उत्पादन लगायतका व्यवसायिक स्टलहरु रहने छन् । फेस्टिबल भरि करिव ५० हजार बढी दर्शकले अवलोकन गर्नुका साथै रु ५० लाख बराबरको कारोवार हुने फेस्टिलवका संयोजक भुपेन्द्र न्यौपानेले बताए ।
नौ दिन सम्म चल्ने फुड फेस्टिवलमा विभिन्न कलाकारहरूको उपस्थिति रहने पत्रकार सम्मेलनमा जानकारी दिइएको छ ।
फेस्टिबल अवधिभरि दैनिक स्थानीय तथा राष्ट्रिय स्तरका चर्चित गायिका मेलिना राई, एलिना चौहान, अस्मिता अधिकारी, ज्योति मगर, सुगम पोखरेल, रचना रिमाल, त्रिशला गुरुङ्ग र महेश काफ्ले लगायतका कलाकारको समेत विशेष प्रस्तुति रहने आयोजकले जनाएको छ ।
महोत्सवमा प्रवेश गर्न एक सय रुपैयाँको प्रवेश पास खरिद गर्नु पर्ने छ ।
Discussion about this post