दमकको भुटानी शरणार्थी शिबिरका ज्येष्ठ नागरिकहरुलाई न्यायो कपडा वितरण

दमक – झापाको दमकस्थित भुटानी शरणार्थी शिबिरमा रहेका ज्येष्ठ नागरिकहरुलाई शुक्रबार न्यानो कपडा बितरण गरिएको छ ।

बेलडागी शरर्णाथी शिविरमा एक कार्यक्रमकाबिच दमक भुटानी शरणार्थी शिविर बेलडाँगी–१, बाट पुनर्वास भएर हाल अमेरिका बस्दै आउनु भएकी ममता तामाङ र क्यानडामा बस्दै आउनु भएकी प्रमिला गुरुङले संयुक्त रुपमा कपडा बितरण गरिएको उक्त आयोजनाका नेपाल प्रतिनिधि सुस्मा राईले जानकारी दिनुभयो ।

ईन्ट्रा फाउण्डेशनले सञ्चालन गर्दै आएको बृद्धआश्रमका करिब २० जना ज्येष्ठ नागरिकहरुलाई करिब ४३,००० रुपैँया बराबरको जाडोको लागि न्यानो कपडा बितरण गरिएको हो ।

चिसोको समय सुरु भएकोले ज्येष्ठ नागरिकहरुलाई चिसामा धेरै समस्याले सताउने भएको हुँदा उक्त समस्या नहोस् भन्ने उद्धेश्यले न्यानो कपडा बितरण गरिएको जानकारी दिनुभएको छ । साथै उक्त सामाग्री बितरण गर्न पाँउदा आफुहरु पनि एकदमै खुशी भएको समाजसेवी ममता तामाङले जानकारी दिनुभयो ।

उक्त कपडा बितरण कार्यक्रमको समारोह कै बिचमा बिपन्न बर्गका बालबालिकालाई समेत सहयोग गर्नुभएको हो । बिपन्न बर्गका करिब २० जना बालबालिकालाई अध्ययनमा सहयोग पु¥योस् भन्ने उद्देश्यले केही आर्थिक सहयोग गरेको समाजसेवी तामाङले जानकारी दिनुभयो ।

साथै गरिब, दुखी, पिडितको क्षेत्रमा विगत केही समयदेखि नै निरन्तर सहयोग गर्दै आएको र आगामी दिनमा पनि यस्तै सहयोग बितरणको कार्यलाई निरन्तरता दिने अर्को समाजसेबि प्रमिला गुरुङले बताउनुभयो ।