दमकमा दमक थुलुङ डेन्टलबाट दाँत सम्बन्धी विशेषज्ञसहितको सेवा शुरु

दमक – झापाको दमकमा नयाँ आधुनिक प्रविधिको प्रयोगबाट सुविधि सम्पन्न दमक थुलुङ्ग डेन्टलको सेवा सुरु भएको छ ।

दन्त रोगीहरुको समस्यालाई मध्यनजर गरेर दमक थुलुङ डेन्टलले आधुनिक प्रविधिसहितको दन्त सेवा दिन शुरु गरेको छ ।

दमक थुलुङ डेन्टलले आज दमकमा पत्रकार सम्मेलनको आयोजना गरी आधुनिक प्रविधि सहितको दन्त सेवा दिन शुरु गरेको जानकारी गरिएको हो । दमक-६, स्थित फर्निचर लाइनमा रहेको दमक थुलुङ डेन्टलले दाँतको विधागत विशेषज्ञसहितको सेवा दिन शुरु गरेको डेन्टलको सञ्चालक तथा डाक्टर सोफिया थुलुङले जानकारी दिइन ।

क्लिनिकले चाड पर्बलाई लक्षित गरेर घटस्थपानादेखि छैट पर्बसम्म दन्त सम्बन्धी सबै बिरामीहरुलाई ५० प्रतिशत छुटमा उपचार गर्ने समेत उक्त पत्रकार सम्मेलन मार्फत जानकारी गराइएको छ ।

क्लिनिकमा डा. सोफिया थुलुङ, डा. अस्मिता शाह, डा. रत्न मिश्र, डा रोजिना शाक्य ,डा. रवि आचार्य , डा. अजित कुमार यादव लगायतका ७ जनाको विशेषज्ञहरुले सेवा दिइरहेको दमक थुलुङ डेन्टलका संचालक डा. थुलुङले बताइन ।

पत्रकारको जिज्ञासामा आफुले ३ वर्षअघि लाइफ लाइन अस्पताल दमकमा सेवा गरेर साढे २ वर्ष युकेमा गएर दन्त चिकित्सकको रुपमा काम गरेर स्वेदश फर्किएपछि आफनै लगानीमा उक्त डेन्टल २ महिना अघिदेखि सञ्चालनमा ल्याएको भए पनि आज प्रचार प्रसारलाई समेत ध्यानमा रखेर सेवालाई बिस्तार गरिएको हो ।

सो क्रममा हरेक महिना एक विपन्न दन्त रोगीको निशुल्क उपचार गरी समाजमा रहेर सामाजिक उत्तरदायित्व बहन गरेको पनि उनले बताइन । विरामीलाई इन्डो मोटर मार्फत दाँतको आरसिटी आधा घण्टामा गरिने गरेको डाक्टर अस्मिता शाहले बताइन । सहज र सरल तरिकामा गुणस्तरीय औजार, मेशिन मार्फत दन्त रोग विशेषज्ञ द्धारा सेवा दिइरहेको पत्रकार सम्मेलन मार्फत जनाइएको छ ।

दाँत भर्ने, मुख तथा दाँतको जाँच निदान र उपचार, दाँतको जरादेखि उपचार (आरसिटी) गर्ने, दाँत उखेल्ने, कृत्रिम दाँत राख्ने, बाङ्गाटीङ्गा दाँत मिलाउने, बच्चाको दाँतको उपचार गर्ने, दाँतको गिजा परीक्षण सफाई र उपचार गर्ने साथै सामुदायिक दन्त परीक्षण शिविर गर्ने लगायतका सेवा क्लिनिकले दिने गरेको डा थुलुङले जानकारी दिइन ।

सो अवसरमा पत्रकार, सञ्चारकर्मीहरुले दन्त सेवा लिदा ५० प्रतिशत सम्म छुट दिने पनि डा.सोफियाले घोषण गरिन । साथै बिद्यार्थी र जेष्ठ नागरिकहरुलाई ओपिडी शुल्क नलिने समेत बताइएको छ ।

यस्तै, मजदुरहरुका लागि पनि सधैं भरिका लागि ओपीडी चार्ज र एक्सरे सेवा निःशुल्क प्रदान गरिने डा.थुलुङ्गले बताउनुभएको छ । हप्तामा ६ दिन बिहान ८ बजेदेखि बेलुकी ८ बजेसम्म र सोमबार दिउँसो २ बजेसम्म डेन्टलबाट सेवा लिन सकिन्छ ।