गौरीगन्ज गाउँपालिकामा नयाँ बजेट र अवको प्राथमिकता विषयक जनप्रतिनिधिसँग पत्रकारको साक्षात्कार कार्यक्रम सम्पन्न

गौरीगन्ज – झापाको गौरीगन्ज गाउँपालिकामा आज सोमबार रिपोर्टर्स क्लब नेपाल मेची शाखाले गाउँपालिकाको सभाहलमा ‘नया बजेट र अबको प्राथमिकता’ बिषयक साक्षात्कार कार्यक्रम सम्पन्न गरेको छ ।

झापाको गौरीगन्ज गाउँपालिकाका जनप्रतिनिधिले आगामी बजेट परिणाममुखी र महिलामैत्री बजेट ल्याउन गाउपालिकाले तयारी गरिरहेको बताएका छन ।

रिपोर्टर्स क्लब नेपाल मेची शाखाले आज गाउँपालिकाको सभाहलमा आयोजना गरेको ‘नया बजेट र अबको प्राथमिकता’ बिषयक साक्षात्कार कार्यक्रम सहभागी जनप्रतिनिधिले सो कुरा बताएका हुन ।

कार्यक्रममा सहभागी गाउपालिका अध्यक्ष,उपाध्यक्ष,वार्ड अध्यक्ष र सदस्यहरूले गौरीगन्जको समग्र बिकासको लागि आगामी बजेट परिणाममुखी र ठोस योजनाका साथ आउने र खासगरी महिलामैत्री बजेटलाई प्राथमिकतामा राखिने बताए ।

गाउपालिका अध्यक्ष फूलवती राजबंशीले बिकासको सम्भावना भएर पनि लामो समय देखि पछाड़ी पर्दै आएको यो क्षेत्रको समग्र बिकासको लागि गहन अध्ययन गरेर जनमुखी बजेट ल्याइने बताइन ।

उनले बिकासको नाममा बाटो र पुल बनाउनु मात्र अब बिकास नभएको बताउदै बिकासको मोर्डललाई नागरिकको जिवन स्तर संग जोडेर मानबीय बिकासका लागि आवश्यक पर्ने स्रोत साधनको ब्यवस्थापन र संचालनको पूर्व तयारीको साथ बजेट आउने बताइन ।

उनले यो क्षेत्रमा कृषि बजार आवश्यक भएको बताउदै यो बजेटमा कृषि बजारको तयारी गरिएको सुनाइन । अध्यक्ष राजबंशीले यस अघि गाउपालिकाले पुरा गर्न बाकी रहेका योजना र कार्यक्रमलाई पुरा गर्दै आगामी ५ बर्स भित्रमा गौरीगन्ज गाउपालिकालाई नमूना गाउपालिकाको रूपमा बिकास गर्ने गरी बजेट जनमुखि र अवश्यकताको आधारमा योजना र कार्यक्रम संचालन हुने बताइन ।

कार्यक्रममा बोल्दै गाउपालिका उपाध्यक्ष पुजन न्यौपाने कुवरले गाउपालिका भित्र देखिएका स्वास्थ्य, शिक्षा, पुल, तटबन्धन, बेरोजगार र अवश्यकताको आधारमा हुने बिकास निर्माणलाई प्राथमिकतामा नै राखिने बताउदै अबको बजेटमा सुन्ने नभइ देख्ने बिकास गर्ने गरी बजेट आउने बताइन ।

उनले महिलालाई प्राथमिकतामा राखेर महिला लक्षित कार्यक्रम अबको बजेटमा समाबेश हुने बताइन ।

कार्यक्रममा सहभागी वार्ड अध्यक्षहरूले अबको बजेट फरक र परिणाममुखी आउनु पर्नेमा जोड दिएका थिए । उनीहरूले स्थानीय परिबेश र अवश्यकताको अध्ययन नगरी बिगतमा बजेट तर्जूमा हुने गरेको प्रति ध्यानाकर्षण गराउदै पहिलो आवश्यकता र जनताको मागलाई सम्बोधन हुने कार्यक्रम बजेटमा आउनु पर्ने बताएका थिए ।

कार्यक्रममा वार्ड नम्बर १ का वार्ड अध्यक्ष कातिकलाल राजबंसी,वार्ड नम्बर २ का अध्यक्ष किनालाल राजबंसी,वार्ड नम्बर ३ का अध्यक्ष श्रवण गिरी,वार्ड नम्बर ४ का फिका गिरी, वार्ड नम्बर ५ का बिजय प्रसाद गनगाई, वार्ड सदस्य रिता तामाङ, पत्रकारहरू आत्मराम राजबंशी, राजेन्द्र चम्लागाई लगायतले आ-आफ्नो धारणा प्रस्तुत गरेका थिए ।

कार्यक्रम शुरू हुनु अघि गौरीगन्ज गाउपालिका भित्र देखिएका समस्याको समाधानमा अबको बजेटले समेत्नु पर्ने मुख्य बिषयहरूको बारेमा भिड़ियो रिपोर्ट प्रस्तुत गरिएको थियो ।

कार्यक्रमको सुरुवातमा ग्लोवल संचार मिडिया प्रा.लि. ले गौरीगञ्ज गाउँपालिकामा भइरहेको समस्याहरुको बारेमा तयार गरिएको भिडियो समेत प्रस्तुत गरिएको थियो । कार्यक्रमका संयोजक तथा ग्लोवल संचार मिडिया प्रा.लि का प्रबन्ध निर्देशक सम्पादक शेखर सेडाईले कार्यक्रमको औचित्यमाथि प्रकाश पार्नुहुँदै रिपोर्टस क्लब नेपालले गर्दै आएका कार्यहरुका बारेमा जानकारी गराउनु भएको थियो ।

जनप्रतिनिधि, पत्रकार र स्थानीय नागरिकको उत्साहजनक सहभागीता रहेको सो कार्यक्रममा गाउपालिकाका प्रमुख प्रशासकीय अधिकृत कृष्ण कार्की, प्रहरी निरीक्षक जितेस दाहाल, स्थानीयबासीहरु लगायतको सहभागिता रहेको थियो ।