भुमी आयोगले झापाको गौरादहमा लालपुर्जा बितरण शुरु

२२ चैत्र, २०७८ / दमक – झापामा पहिलो पटक भुमी आयोगले जग्गा धनिपुर्जा बितरण गौरादह नगरपालिका वडा ४ मा रहेका अव्यवस्थित बसोबासिहरुबाट शुरु गरेको छ ।

आयोगका उपाध्यक्ष नहेन्द्र खड्काको प्रमुख आतिथ्यतामा गौरादह नगरपालिकाका प्रमुख रोहित शाहको अध्यक्षतामा गौरादह वडा ४ को कार्यलयमा भएको उक्त कार्यक्रममा स्थानिय मेघराज पौड्याललाई १० कटठा जमिनको धनिपुर्जा हस्तान्तरण गरि उक्त कार्यक्रम शुभारम्भ गरिएको हो ।

सो कार्यक्रममा नेपाली काङ्ग्रेस झापाका सभापती देउमान थेवे गौरादह नगरपालिकाकी उपमेयर गिता भेटवाल तथा आयोगका सदस्यहरु वडा अध्यक्ष  वडासदस्य मालपोत नापिकार्यलयका प्रतिनिधि  सदस्यहरु वडाबासिहरुको उल्लेखनिय उपस्थित रहेको थियो । स्मरण रहोश उक्त कार्यक्रम जिल्ला मै पहिलो पटक भएको हो ।