दमकमा पोइम बेकरी एण्ड क्याफे सञ्चालनमा

दमक – झापाको दमकस्थित फाल्गुनन्द चौक नजिकै चुलाचुली अंग्रेजी विद्यालय उत्तरमा पोइम बेकरी एण्ड क्याफे सञ्चालनमा आएको छ । बिशुद्ध साहाकारी भोजन सम्बन्धीका खानेकुराहरु उपलब्ध गर्ने उदेश्यले स्थापना भएको पोइम बेकरी एण्ड क्याफेको आज एक कार्यक्रमबीच उद्घाटन गरिएको छ ।

दमक उद्योग बाणिज्य संघका कार्यसमिति सदस्य, दमकमा युवा उद्योगी तथा व्यवासयी अशिम राईले सो बेकरी एण्ड क्याफेको रिवन काटुनका साथै केक काटेर उद्घाटन गर्नुभएको हो ।

उद्घाटन समारोहमा नेशनल लाइफ इन्स्योरेन्स कम्पनी दमक शाखा प्रमुख सुमन थुलुङ राई, जुना राई, दमकका युवा व्यवसायी बिक्रम सुब्बा लगायत आफन्तजनहरु, स्थानीय व्यवसायीहरु र शुभ्भेछुकहरुको उपस्थिति थियो ।

पोइम बेकरी एण्ड क्याफेमा शाहाकारी सम्बन्धीका विभिन्न प्रकारका खानेकुराहरु पाइन्छ । मःम, चाउमिन, थुक्पा, पास्ता, केक, बर्थडे केक, ब्रेट, ब्रम ब्रेट (हेल्दी ब्रेट), डुनट पाइनुका साथै चिया, कफी, ग्रिनटी लगायत पेय पदार्थहरु लगायत शाहकारी सम्बन्धी खानका परिकारहरु पाइने सञ्चालक जेमि चाम्लिङ राईले जानकारी दिनुभयो । सो बेकरी एण्ड क्याफेमा रु २५ लाख लगानी गर्नुभएको छ ।

बेकरी एण्ड क्याफेमा मिटिङ र बर्थडे गर्ने सुविधासहितको ठूलो हलको व्यवस्था गरिएको सञ्चालक जेमिले बताउनुभयो । वहाँका अनुसार पोइम बेकरी एण्ड क्याफेमा आगान्तुक ग्राहक तथा पाहुनाहरुका पारिवारिक बातबरण भएको छ भने सवारी साधन हुनेलाई पर्याप्त पाकिङको सुविधा पनि रहेको छ ।