जेनिस उप्रेती बने पहिलो द भ्वाइस अफ किड्स नेपाल

झापा – सुमधुर स्वरका धनी जेनिश उप्रेतीले हिमालय टेलिभिजनबाट प्रशारण भईरहेको नेपालकै चर्चित रियालिटी सो द भ्वाइस अफ किड्सको उपाधि जितेका छन्।

चार कोचका आठ प्रतियोगीमध्ये सर्वाधिक भोट पाउन सफल टिम प्रमोदका जेनिस पहिलो भ्वाइस अफ किड्स नेपाल बन्नु भएको हो । आठ जना प्रतिस्पर्धीमध्येबाट दर्शकबाट प्राप्त मतका आधारमा विजेता घोषणा गरिएको हो । फाइनलमा पुगेका ८ प्रतियोगीले गएराति आफ्नो अन्तिम प्रस्तुति दिएका थिए ।

जेनिशले द भ्वाईस अफ किड्सको ट्रफी सङ्गै नगद १५ लाख र अन्य धेरै नगद विभिन्न पुरस्कार प्राप्त गर्नुभएको छ । द भ्वाईस अफ किड्सको उपाधी जितेपछि जेनिशले दर्शक र निर्णायकलाई आभार व्यक्त गर्नुभएको छ ।