शिक्षक हित बचत तथा ऋण सहकारी कमलको ९ ओैँ साधारणसभा सम्पन्न

विजय कुमार अधिकारी, कमल । झापाको कमलमा शिक्षक हित बचत तथा ऋण सहकारी संस्था लिमिटेडको ९ ओैँ साधारण सभा सम्पन्न भएको छ ।

सो कार्यक्रम कमल-५, पाडाजुँगी स्थित मंगलमय माध्यमिक विद्यालयको सभाकक्षमा आज शुक्रबारका दिन सम्पन्न भएको छ । साकोस कमल गाउँपालिका एकाइका संयोजक भीमचन्द्र न्यौपानेको अध्यक्षता, साकोस झापाका अध्यक्ष नारायणप्रसाद गौतमको प्रमुख आतिथ्य, नेपाल शिक्षक महासङ्घ कमल गाउँ समितिका अध्यक्ष हिमप्रसाद दाहाल तथा नेपाल राष्ट्रिय शिक्षक सङ्गठन कमल गाउँ समितिका अध्यक्ष मधुसुदन अधिकारीको विशेष आतिथ्यमा सञ्चालित भएको थियो ।

उक्त साधारण सभामा शहीद धर्मभक्त मा.वि. केर्खाका प्रधानाध्यापक काजीमान पौडेल, बाँसबारी मा.वि. कमल १ का प्रधानाध्यापक केशर श्रेष्ठ, विद्यासदन अङ्ग्रेजी मा.वि. बाँसबारीका प्रिन्सिपल हजेन्द्र बस्नेत, कालिका प्रा. वि. कमल १ का प्रधानाध्यापक छत्र कार्की, साकोस कमल गाउँ समितिका सदस्यहरू मिथिला श्रेष्ठ, ढकमाया शिवाकोटी, महेन्द्र रत्न मा.वि. समयगढका शिक्षक विजयकुमार अधिकारी, बाँसबारी मा.वि. कमल १ का शिक्षक नरबहादुर दाहाल, वाणी मा.वि. लखनपुरका शिक्षक गोविन्दप्रसाद पौडेल, सिद्धदेवी प्रा.वि. की प्र.अ. कौशिला पौडेल,लगायतको उपस्थिति रहेको थियो ।
साधारण सभामा प्रमुख अतिथि श्री नारायणप्रसाद गौतमले साकोसका गतिविधिमाथि प्रकाश पार्नुभएको थियो भने श्री हिमप्रसाद दाहालले शुभकामना मन्तव्य प्रकट गर्नुभएको थियो । कार्यक्रमको सञ्चालन साकोस कमल गाउँ समितिका सदस्य एवम् श्री मंगलमय मा।वि। का शिक्षक श्री भीमप्रसाद पोख्रेलले गर्नुभएको थियो ।

साधारण सभाले भीमचन्द्र न्यौपाने संयोजक रहेको र भीमप्रसाद पोख्रेल, मिथिला श्रेष्ठ, ढकमाया शिवाकोटी तथा हजेन्द्र बस्नेत सदस्य रहेको साकोस कमल गाउँपालिकाको पुरानो समितिलाई नै आगामी कार्यकालको लागि निरन्तरता दिने निर्णय गरेको छ ।