अखिल क्रान्तिकारी झापाको सम्मेलनको तयारि पुरा

१८भाद्र २०८१, बिर्तामोड

नेकपा माओवादी केन्द्र निकट विद्यार्थी संगठन अखिल क्रान्तिकारी को यहि मिति २०८१ भाद्र १९ गते हुन गइ रहेको १८ औं जिल्ला सम्मेलनको तयारि पुरा भएको छ । विर्तामोडको सिटि सेन्टरमा हुन गइरहेको सो सम्मेलनले आगामि झापा जिल्लाको नयाँ नेतृत्व चयन गर्ने जिल्ला सचीव राजन चापागाईंले बताए ।

जिल्ला भरिका विभिन्न पालिका तथा क्याम्पसबाट उक्त सम्मेलनमा प्रतिनिधिहरु आउने र उक्त प्रतिनिधिहरुले आगामी नेतृत्व र कार्यदिसा बनाउने जिल्ला उपाध्यक्ष नविन सिटौलाले जानकारी दिए ।

अखिल क्रान्तिकारीकि केन्द्रिय अध्यक्ष पन्चा सिंहको प्रमुख आतिथ्यतामा हुन लागिरहेको उक्त सम्मेलनको आवस्यक सम्पुर्ण तयारी पुरा भएको जिल्ला अध्यक्ष रन्जन धमलाले बताए ।

जिल्ला भरिका पालिका, क्याम्पस तथा विद्यालयहरुका सम्मेलन सम्पन्न गरि जिल्ला सम्मेलन सम्पन्न गर्न लागेको र जिल्ला सम्मेलन पस्चात यहि भाद्र २४ र २५ गते विराटनगरमा प्रदेश सम्मेलन र असोज २-५ सम्म काठमाडौमा संगठनको २३ औं महाधिवेशन हुन लागेको जिल्ला उपाध्यक्ष सुरेन्द्र गिरिले जानकारी दिए