अमेरिकाको टेनेसि न्यासभिलमा नेपाली मुलका उमेश दहालको हत्या ।

२२ असार २०८१ ।
अमेरिकामा नेपाली मुलका २६ वर्षीय विशाल राईले
४१ वर्षीय नेपाली मुलका उमेश दाहाललाई कुटपिट गरेरहत्या गरेको समाचार सर्बत्र बाहिर आएको छ ।

समाचार अनुसार झापाको भुटानीशरणार्थी क्याम्पबाट अमेरिकामा स्थायी बसोबास गर्दै आएका नेपालीभाषी दाहाललाई नेपालीभाषी राईले आपसी विवाद हुँदा
कुटपिट गरेर हत्या गरेको डेलीमेलले जनाएको छ ।

दुई छोराछोरीका बाबु दाहाललाई टप गल्फको पार्किङमा कुटपिट गरी हत्या गरिएको थियो । विवाद झुट्टाउने
क्रममा राईले दाहाललाई भुइँमा टाउको ठोक्किने गरि पच्छारेका थिए । भुइँमा लडेपछि पनि राईले दाहाललाई लात्ताले हानेको स्थानीय प्रहरीले जनाएको छ ।

स्थानीय समयअनुसार शनिबार राति राईसहित दुईजनाले दाहाललाई कुटपिट गरेका थिए । राईको कुटपिटबाट गम्भीर रुपमा घाइते भएका दाहालको उपचारका क्रममा मंगलबार बिहान अस्पतालमा मृत्यु भएको थियो ।

दाहाल टेनेसीको न्यासभिलमा नेपाली समुदायका अन्य सदस्यहरूसँग कन्सर्ट हेर्न पुगेका थिए । पार्किङ नजिकै विवाद हुँदा घटना भएको हो।दुई छोरीका पिता दाहालले नेपालको झापाकी ४४ वर्षीय दमन्त काफ्ले दाहालसँग विवाह गरेका थिए ।

प्रहरीले दाहालको हत्या र कुटपिटमा संलग्न अन्य व्यक्तिहरूको खोजी र पहिचान गर्ने प्रयास गरिरहेको छ अनुसन्धानका क्रममा अन्य व्यक्तिहरू पनि पक्राउ पर्न सक्ने प्रहरीले जनाएको छ । राईलाई अनुसन्धानका लागि हिरासतमा राखिएको डेलिमेलले जनाएको छ ।