दमक, १९ फागुन : दमक २ मा रहेको समाज सुधार प्रतिष्ठान आफ्नो २१ औं वार्षिक साधारणसभा सम्पन्न गरेको छ उक्त अवसरमा श्रीमद् लिङ्ग पुराणको आयोजना गरेको छ । हरेक वर्ष विभिन्न पुराण आयोजना गर्दै आएको यो प्रतिष्ठानले यो वर्ष १६ औं पुराण श्रीमद् लिङ्ग महापुराण आयोजना गरिएको प्रतिष्ठानका अध्यक्ष विजय बरालले बताउनु भयो ।
आज १९ गते प्रतिष्ठानका अध्यक्ष विजय बरालको अध्यक्षता दमक नगरप्रमुख राम कुमार थापाको प्रमुख आतिथ्यता प. नेत्र प्रसाद दाहाल तथा प. बलराम मिश्रको विशेष आतिथ्यता प्रतिष्ठानका पदाधिकारी सदस्य लगायतको उपस्थितिमा साधारणसभा तथा पुराणको उद्घाटन गरिएको र यहि फागुन २५ गते समापान हुने प्रतिष्ठानका सचीव टेकेन्द्र अधिकारिले जानकारी दिनु भयो ।
आज पहिलो दिन कलशयात्राले गाउँ परिक्रमा गरि शुरु गरिएको र हरेक दिन प. बाबुराम मिश्रको पाठ परायण र प. नेत्र प्रसाद दाहालको मुखारविन्दबाट कथा बाचन हुने साथै दैनिक सन्द्या आरति भजन किर्तन हुने र २५ गते समापन हुने प्रतिष्ठानकि उपाध्यक्ष भक्ता दाहालले जानकारी दिनु भयो ।
प्रतिष्ठानको संरक्षणमा मृत्युजय महादेवको मन्दिरसमेत रहेको उक्त ठाउँमा भविष्यमा गुरुकुल स्थापन गर्ने उदेश्य रहेको अध्यक्ष विजय बरालले बताउनु भयो ।
वि. स. २०५९ मा स्थापना भएको यो प्रतिष्ठानले विभिन्न पुराण साथै विभिन्न अन्य सामाजिक कार्यहरु गर्दै आएको छ । उक्त पुराणबाट जम्मा भएको रकमले मन्दिर तथा प्रतिष्ठानको स्तरउन्नति गरिदै आएको प्रतिष्ठानका कोषाध्यक्ष नारायण घिमिरेले जानकारि दिनुभयो ।
सामाजिक कार्यका लागि स्थापना भएको यो प्रतिष्ठानमा हाल सम्म ७०० सदस्य रहेका छन । विभिन्न दाताहरुको सहयोगमा सभाहल लगायत गुरुकुल स्थापनाको लागि आवश्यक भवन हरु निर्माणाधीन रहेको अध्यक्ष बरालले जानकारी गराउनु भयो
Discussion about this post