स्वर्गीय पिताको स्मृतिमा तामाङले गरिन् ज्येष्ठ नागरिक खाद्यान्य सामाग्री वितरण

दमक । झापाको दमकमा रहेको भुटानी शरर्णार्थीका २० जना ज्येष्ठ नागरिकहरुलाई शुक्रबार खाद्यान्य सामाग्री वितरण गरिएको छ ।

दमकको भुटानी शरर्णाथी शिविरमा आफ्नो स्वर्गीय पिता रत्न तामाङको स्मृतिमा एक कार्यक्रमको आयोजना गरी ज्येष्ठ नागरिकलाई खाद्यान्य सामाग्री वितरण गर्नुका साथै खाना समेत खुवाइएको थियो ।

उक्त शिविरबाट पुर्नवास भई अमेरिकाको न्युयोर्कमा बस्दै आउनु भएकी मुना तामाङले भुटानी शरर्णाथी शिविरका २० जना ज्येष्ठ नागरिकहरुलाई खाद्यान्य सामाग्री वितरण गर्नुका साथै खाना खुवाउनु भएको हो ।

साथै उक्त कार्यक्रमकै अवसरमा २० जना जोखिममा परेका बालबालिकाहरुलाई शिक्षा क्षेत्रमा आर्थिक सहयोग समेत गर्नुभएको छ । आर्थिक स्थिति कमजोर भएका साथै पठनपाठनमा निरन्तरता दिन नसकेका विद्याथीहरुलाई अध्ययनमा सहयोग होस् भन्ने उद्देश्यले उनीहरुलाई आर्थिक सहयोग गरिएको कार्यक्रमका सहजीकरणकर्ता अभि अधिकारीले जानकारी दिनुभएको छ ।

उक्त २ कार्यक्रममा गरी करिब ४ लाख बराबरको सामाग्री हस्तातरण साथै आर्थिक सहयोग गरिएको कार्यक्रमका सहजीकरणकर्ता अधिकारीले जानकारी दिनुभएको छ ।

आफूले कमाएको केही रकम बिपन्न असाहाय तथा गरिब दुखीको लागि सहयोग गर्दै आउनुभएकी समाजसेवी मुना तामाङ सामाजिक क्षेत्रमा पनि उतिकै सक्रिय रहदै आउनुभएको छ ।