नवलपुरको सुलभ सहकारीले गर्यो मकवानपुरगढीको मनकामना दुग्ध उत्पादक सहकारीमा अवलोकन भ्रमण

मकवानपुरगढी । नवलपरासी जिल्लाको बर्दघाटमा रहेको सुलभ बचत तथा ऋण सहकारी संस्थाको एक टोलीले मकवानपुरगढी गाउँपालिका वडा नम्बर ३ मा रहेको मनकामना दुग्ध उत्पादक सहकारी संस्थामा अन्तर जिल्ला अवलोकन भ्रमण शुक्रबार सम्पन्न गरेको छ ।

उक्त भ्रमण टोलीलाई मनकामना दुग्ध उत्पादक सहकारी संस्था लिमिटेडका अध्यक्ष अर्जुन प्रसाद दाहालले स्वागत गर्नुभएको थियो भने संस्थाकी व्यवस्थापक शशी लम्सालले संस्थागत गतिविधिको बारेमा जानकारी गराउनुभएको थियो । कार्यक्रममा संस्थाका पूर्व अध्यक्ष कृष्णप्रसाद पोखरेलले उक्त संस्थाको इतिहास देखि हालसम्मको अवस्थाको बारेमा भ्रमण टोलीलाई जानकारी गराउनुभएको थियो ।

यस संस्थाले किसानहरुबाट दुध संकलन गर्नुको साथै दुधबाट उत्पादन हुने विभिन्न परिकारहरुको निर्माण समेत गर्दै आएको र मकवानपुर जिल्लाकै एक उत्कृष्ण र सर्वल संस्थाका रुपमा परिचित रहेका संस्थाका व्यवस्थापक लम्साले बताउनुभयो ।

संस्थाले जिल्ला संघको माध्यमबाट आफ्नो क्षेत्र वाहेक काठमाण्डौँ, पोखरा लगायत अन्य क्षेत्रमा दुध बिक्री वितरण गर्दै आएको छ ।