कर्मचारीको तलब बृद्धि, कसको कति ?

काठमाडौँ । सरकारले कर्मचारीको तलब १५ प्रतिशतले वृद्धि गरेको छ । संघीय संसदमा आइतबार आर्थिक वर्ष २०७९/०८० को बजेट भाषण गर्दै अर्थमन्त्री जनार्दन शर्माले तलब वृद्धिको घोषणा गरेका हुन् ।

यससँगै मुख्य सचिवको तलब ७७ हजार २११ पुगेको छ । त्यस्तै, सचिवको ७२ हजार ८२, सह–सचिवको ५६ हजार ७८७, उप–सचिवको ४८ हजार ७३७, शाखा अधिकृतको ४३ हजार ६८९, नायब सुब्बाको ३४ हजार ७३०, खरिदारको ३२ हजार ९०२ र मुखियाको २७ हजार ६१२ रुपैया तलब पुगेको छ ।