लागूऔषध खैरो हेरोइनसहित चार पक्राउ

काठमाडौं । बेलौरी नगरपालिका–७ पौलाहा मसानघाट क्षेत्रबाट लागूऔषध खैरो हेरोइनसहित प्रहरीले चार जनालाई पक्राउ गरेको छ । हिजो साँझ इलाका प्रहरी कार्यालय बेलौरीबाट खटिएको टोलीले १५ दशमलव ९८ ग्राम लागूऔषध खैरो हेरोइनसहित चारै जनालाई पक्राउ गरेको हो ।

पक्राउ पर्नेहरुमा धनगढी उप–महानगरपालिका–१३ एयरपोर्ट बस्ने वर्ष २२ का दीपक भट्ट, वर्ष १८ का विवेक चौधरी, वर्ष २५ का किशोर राना र वर्ष ३५ का कालुराम राना जिल्ला प्रहरी कार्यालय कञ्चनपुरले जनाएको छ ।

से ५ प २२०९ नम्वरको मोटरसाइकलमा सवार दीपक र विवेकको साथबाट ४ दशमलव ३९ ग्राम र सुपप्र ०१००९ प ८१८ नम्वरको मोटरसाइलमा सवार किशोर र कालुरामको साथबाट ११ दशमलव ५९ ग्राम लागुऔषध खैरो हेरोइन बरामद भएपछि निजहरुलाई पक्राउ गरेको प्रहरीले जनाएको छ । लागुऔषध र मोटरसाइलसहित पक्राउ परेका चारै जनामाथि प्रहरीले आवश्यक अनुसन्धानको गरिरहेको जनाएको छ ।