सौजन्यले गर्यो वडा नं २ का नवनिर्वाचित दुईजना जनप्रतिनिधिलाई सम्मान

धरमपुर – झापाको शिबसताक्षी–२ मंगलबारे बजारमा सञ्चालित सौजन्य बचत तथा ऋण सहकारी संस्थाले आज एक कार्यक्रमबीच नवनिर्वाचित दुईजना जनप्रतिनिधिलाई सम्मान गरेको छ । हालै सम्पन्न स्थानीय तहको निर्वाचनमा वडा अध्यक्ष पदमा निर्वाचित भीम नेम्बाङ र वडा सदस्य पदमा निर्वाचित यामबहादुर (सञ्जु) राईलाई टोपी, खादा र अविर लगाएर संस्थाले सम्मान गरेको हो ।

वडा अध्यक्षमा निर्वाचित भीम नेम्बाङ संस्थाका संस्थापक शेयर सदस्य तथा सल्लाहकार समिति सदस्य हुन् भने वडा सदस्यमा निर्वाचित यामबहादुर (सञ्जु) राई संस्थाका सञ्चालक समिति सदस्य हुन् ।

नेम्बाङ नेकपा (माओवादी केन्द्र) को तर्फबाट वडा अध्यक्ष पदमा उम्मेद्वार बन्दै बिजयी भएका हुन् । त्यस्तैं, राई नेकपा (एमाले) को तर्फबाट वडा सदस्य पदमा उम्मेद्वार बन्दै बिजयी भएका हुन् ।

संस्थाका अध्यक्ष मकरध्वोज नेम्बाङ, उपाध्यक्ष कुमार तामाङ सचिव पुष्कर दाहाल, संल्लाहकार समिति संयोजक अनिलदेब राई, व्यवस्थापक मनिकुमार राई लगायत सञ्चालक समितिका सदस्यहरु र कर्मचारीहरुले बधाई सहित सफल कार्याकालको शुभकामना ब्यक्त गरेका थिए ।