पाँचथरको बरभञ्जाङमा आगलागी हुँदा करिब १ करोड ९० लाख बराबरको क्षति (फोटो फिचर)

जयकुमार राई, पुष २२, २०७८, पाँचथर । पाँचथरको फालेलुङ-६, को बरभञ्जाङमा बुधबार राती आागलागि भएको छ । उक्त आगलागीमा ३ घर र ६ वटा पसल जलेर नष्ट हुदाँ रु १ करोड ९० लाख बराबरको क्षति भएको छ ।

बुधबार राती १०ः४० बजे बरभञ्जाङका जीत बहादुर मेङ्याङ्बो लिम्बूको घरमा विद्युत् चुहावट भई घरबाट आगलागी सुरु भएको थियो । पाँचथर फालेलुङ गाउँपालिका ६, का जित बहादुर मेङ्याङ्बो लिम्बुको काठले बनेको घरमा संचालनमा आएको दूध डेरि, किराना पसल लगायत नगद रु ७ लाख त्यसैगरी नेपाली काँग्रेस फालेलुङ गाउँपालिका वडानम्बर ६, को कार्यालयको फर्निचर, कागज पत्र समेत जली नष्ट हुदाँ रु ५७ लाख बराबरको क्षति भएको छ, भने सोही ठाउँमा बस्ने रामजित राईको घर जलेर नष्ट भएको हो । सोही स्थानका धर्म केरुङको किराना पसल, टेलर्स समेत जलेको हो । आइएमई मनि ट्रान्सफर शाखा कार्यालय , किराना पसल, कम्प्युटर सेन्टर, फेन्सी पसल, अलैची गोदाम गरी लगभग १ करोड ९० लाख बराबरको क्षती भएको जिल्ला प्रहरी कार्यलय पाँचथरले जनाएको छ ।

फिदिमबाट गएको दुइवटा दमकल, स्थानियबासी, रेडक्रस, नेपाल प्रहरी,सशस्त्र प्रहरीबलको सहयोगमा मध्यराती १ बजे आगो पुर्णरुपमा नियन्त्रणमा आएको जिल्ला प्रहरी कार्यलय पाँचथरका प्रहरी नायब उपरीक्षक राकेश थापाले जानकारी दिए ।

गाउँपालिकाबाट आगलागी पिडितहरुकालाई आज विहिबार सामान्य बस्नको सिरक, डस्ना, खाद्यान्न सामाग्रीहरु लगायतका बस्तुहरु वितरण समेत गरिएको स्थानीय राज कुमार इसारा राईले जानकारी दिनुभएको छ ।