दमक – झापाको दमकमा मंगलबार इसाई धर्मावलम्बीहरुद्धारा आयोजित ख्रीष्टमस शुभकामना आदान प्रदान कार्यक्रम सम्पन्न भएको छ ।
उक्त कार्यक्रममा प्रदेश १ का मुख्यमन्त्री राजेन्द्र कुमार राईले इसाई (क्रिश्चीयन) धर्मावलम्बीहरुको धार्मीक र साँस्कृतिक अधिकारका लागि सहयोग गर्ने बताएका छन् ।
इसाई समाज प्रदेश १ का अध्यक्ष पाष्टर बिक्रम बर्णबास येक्तेन लिम्बूको अध्यक्षतामा कार्यक्रम सम्पन्न भएको हो । सो कार्यक्रममा रेभ गोपाल खनालले प्रार्थना गरेका थिए ।
सो कार्यक्रममा दमक नगरपालिकाका प्रमुख रोमनाथ ओली, राष्ट्रिय प्रजातन्त्र पार्टी (राप्रपा) प्रदेश १ का अध्यक्ष राम थापा, रेभ दानियल सुब्बा लगायतले ख्रीष्ट जन्मोत्सवको अवसरमा शुभकामना व्यक्त गरेका दमक नगर इसाई समाजका अध्यक्ष पाष्टर आकाश थुलुङ राईले जानकारी दिए ।
इसाई समाज दमकका पूर्वअध्यक्ष एबम् सल्लाहकार पाष्टर राजकुमार राईका अनुसार प्रदेश १ बाट १४ जिल्लाका प्रतिनिधित्व रहनेगरी सहभागिहरुको उपस्थित रहेको थियो ।
कार्यक्रममा दमक, उर्लाबारी लगायतका चर्चहरुका कलाकारहरुले गीत, नृत्य प्रस्तुत गरेर मनोरञ्जनात्मक बनाएका थिए ।
सो कार्यक्रमको सञ्चालन इसाई समाजका महासचिव एबम् पाष्टर मेहरमान गिरी र इसाई समाजका युवा व्याक्तित्व एबम् पत्रकार सुमन कुरुङबाङले गरेका थिए ।
Discussion about this post