प्रेस बिज्ञपति ।

मितिः २०८२/०४/२२
प्रेस विज्ञप्ति

पूर्व प्रमुख निर्वाचन आयुक्त सूर्यप्रसाद श्रेष्ठको ‘लोकतन्त्र र जनअभिमतः नेपालको निर्वाचन इतिहास’ नामक पुस्तक विमोचनको क्रममा यही आइतबार प्रधानमन्त्री केपी शर्मा ओलीले दिएको समावेशीता विरोधी अभिव्यक्तिप्रति हाम्रो पार्टी गम्भीर आपत्ति जनाउँछ ।

सम्विधानको रक्षा र कार्यान्वयन गर्नुपर्ने दायित्व लिएको सरकार प्रमुखको स्थानमा बसेको व्यक्तिले नै सम्विधानको मूल्य र मान्यता विपरित बोल्नु कानूनी तथा नैतिक रूपमा अस्वीकार्य छ । यो असम्वैधानिक अभिव्यक्तिप्रति आत्मालोचना गर्दै फिर्ता लिन तथा जिम्मेवार बन्न प्रधानमन्त्री केपी ओलीलाई हामी चुनौती दिन्छौँ ।

सम्बोधन गरिनुपर्ने जल्दाबल्दा समस्याहरूः १५९औं दिनदेखि ओविसीको नेतृत्वमा दलित समुदायले गरिरहेका मागहरू, मिटरब्याजी साहुबाट पीडित गरिब जनताको आन्दोलन तथा यसैबिच सरकारले ल्याउन लागेको बहुविवाह सम्बन्धी विधेयकका बारेमा सरकारलाई खबरदारी गर्न, लामो संघर्ष र ठूलो बलिदानपछि प्राप्त गरिएका लोकतान्त्रिक हक अधिकारमाथिका हस्तक्षेपबारे सचेतना जगाउन, तथा आम नागरिकका जनजीविकाका मामिलाहरूमा राज्यको ध्यानाकर्षण गर्न यही मिति २०८२ साउन २३ गते, शुक्रबार दिउँसो ३:३०-४:३० बजेसम्म माइतीघर मण्डलामा आयोजना गरिने खबरदारी कार्यक्रममा सहभागिताका लागि सम्पूर्ण पार्टीपङ्ति, बुद्धिजीवी, अभियन्ता, सञ्चारकर्मी मित्रहरू लगायत आम जनसमुदायमा यसै विज्ञप्तिमार्फत हार्दिक आह्वान गर्दछौँ।

धन्यवाद ।

-विदुर अधिकारी, मुद्दा पहिचान तथा आन्दोलन परिचालन विभाग, संयुक्त नगारिक पार्टी
फोन: ९८४९४९६४८२