माओबादी स्थायी समिती बैठक सम्पन्न ।

• १९ श्रावण २०८२काठमडौ,

पार्टिकार्यलय पेरिस डाँडामा श्रावण१६ देखि शुरू भएको  नेकपा (माओवादी केन्द्र ) को स्थायी समितिको बैठक ४ दिन सम्म चलेर अत्यन्त महत्वपुर्ण निर्णयहरु गर्दै सम्पन्न गरेको छ ।

उक्त स्थायी समिती बैठकले जीवन्त बहसको बिचबाट सकारात्मक निष्कर्ष निकाल्दै आज १९ गते सम्पन्न भएको हो ।

उक्त बैठकले पार्टीको एकतामा जोड दिएको र छलफलको स्वतन्त्रता कामकारबाहीमा एकरूपताको मान्यतालाई सबैले अवलम्बन गर्नु पर्ने आवश्यकता औँल्याएको बताईएको छ  ।

बैठकले निजी स्वार्थ केन्द्रित पार्टी हित विरोधी स्वार्थ समूह वा गुटहरु को अन्त्य गर्ने सामूहिक प्रतिबद्दता र संकल्प पनि गरेको छ ।

स्थायी समिती बैठकले प्रतिगमन र यथास्थितिवादलाई परास्त गर्दै सामाजिक – आर्थिक रुपान्तरण र सामाजिक न्याय सहितको समृद्धि को आजको प्रमुख राष्ट्रिय कार्यभार पूरा गर्न निर्णय लिएको बताईएको छ

माओबादी पार्टीको नेतृत्व आवश्यक रहेको र उक्त ऐतिहासिक जिम्मेवारी पूरा गर्न पार्टीको रुपान्तरण एवं पुनर्गठनको प्रक्रियालाई अझ जोड दिएर अघि बढाउने निष्कर्ष पनि बैठकले निकालेको छ ।

क • विप्लव सी ले नेतृत्व गर्नु भएको नेकपा लगायत अन्य क्रान्तिकारी समाजबादी शक्तिहरू सँग पार्टी एकताको पहल गर्दै वार्ता गर्ने र समाजवादी मोर्चाको सुदृढीकरण एवं विस्तारमा पनि प्रयत्न गर्ने निर्णय स्थायी समितिले निर्णय गरेको छ ।

यसै बीचमा पार्टीको तर्फबाट भएका गल्ती कमजोरीहरुको समेत समीक्षा गर्दै वर्षाको कारणबाट स्थगित मध्यपहाडी लोकमार्ग केन्द्रित जनजागरण अभियानलाई भाद्रको तेस्रो हप्ताबाट पुनः निरन्तरता दिने पनि निर्णय गरिएको छ।

साथै यस वर्षको दशैँ पछि केन्द्रीय समितिको बैठक बस्ने र राष्ट्रिय महाधिवेशनको टुंगो समेत सो केन्द्रित समितिको बैठकबाट लिने निर्णय गरेको छ ।