सोमबार, २३ असार २०८२झापा ।
दमक नगरपालिका–३ मा निर्माणाधीन १८ तले भ्यु टावर परियोजनामा सार्वजनिक जग्गा अनियमित रूपमा निजी कम्पनीलाई दिइएको आरोपसहित अख्तियार दुरुपयोग अनुसन्धान आयोगमा उजुरी परेको छ।
दमक–५ निवासी सञ्चारकर्मी तथा स्थानीय नागरिक अबिन मेयाङ्ग्वोले अख्तियार कार्यालय टंगाल, काठमाडौंमा उजुरी दर्ता गराउँदै तत्काल छानबिनको माग गरेका हुन्।
उजुरी अनुसार, ‘माँ पञ्चकन्या हाउजिङ प्रा.लि.’ नामक निजी कम्पनीलाई वि.सं. २०७३ सालतिर सार्वजनिक प्रयोजनको नाममा करिब चार विघा १८ कट्ठा ७ धुर जग्गा दमक नगरपालिकाबाट उपलब्ध गराइएको थियो।
उक्त जग्गा भ्यु टावर निर्माणका लागि दिइएको भए तापनि पछिल्लो समयमा कम्पनीले सोही जग्गामध्ये दुई विघा “सापटी” लिएको भन्दै फिर्ता माग गरेको र बाँकी २५ कट्ठा जग्गा वापत मौद्रिक क्षतिपूर्तिको दाबी गरिरहेको मेयाङ्ग्वोको आरोप छ।
साथै, नगरपालिकाका तत्कालीन तथा हालका पदाधिकारीहरू बीच कुनै मिलेमतो भएको हो कि भन्ने आशङ्कामा समेत छानबिन आवश्यक रहेको उनले स्पष्ट पारेकाछन ।
Discussion about this post