गौरादह साँस्कृतिक महोत्सवमा आज गायिका आस्था राउत

गौरादह, २४ माघ । झापाको गौरादहमा सञ्चालन भइरहेको गौरादह साँस्कृतिक महोत्सव-२०८० मा आज माघ २४ गते बुधबारका दिन चर्चित गायिका आस्था राउतको विशेष साँगीतिक प्रस्तुति रहने भएको छ ।

बेलुका ७ः०० बजेदेखि प्रस्तुत हुने गायिका राउतले आफ्ना चर्चित गीतमार्फत मनोरञ्जन गराउने छिन् । गायिका राउतसँगै स्थानीय कलाकार र साङ्गीतिक समूहको पनि विशेष प्रस्तुति रहने छ ।

लायन्स क्लब अफ गौरादह युनाइटेड र जे.एस. फिल्मस्को आयोजनमा माघ ११ गतेबाट गौरादह-१, डिपु चौकमा सुरु भएको महोत्सव माघ २५ गतेसम्म जारी रहनेछ ।